„გამოვრიცხავ, რომ ზურაბ ვაზაგაშვილის საქმეზე  პროკურატურიდან რაღაც ინფორმაცია გასულიყო, რადგან ამ შემთხვევაში გაცილებით მეტი ინფორმაცია გამჟღავნდებოდა, ვიდრე ეხლაა ცნობილი“,-ამის შესახებ საქართველოს მთავარი  პროკურორის მოადგილე ირაკლი შოთაძემ ტელეკომპანია „იმედის“ ეთერში  განაცხადა. 

მისი განმარტებით, განახლებული გამოძიების ფარგლებში, ზურაბ ვაზაგაშვილის საქმის  ახალი დეტალები, როგორც იური ვაზაგაშვილისთვის, ისე ადვოკატებისთვის იყო ცნობილი.

„განახლებული გამოძიების ფარგლებში, საქმის ახალი დეტალები ცნობილი იყო, როგორც ბატონო იურისთვის, ისე ადვოკატებისთვის. ხოლო რაც შეეხება იმ პირველად გამოძიებას, ის სრულიად გაყალბებული იყო,  ანუ წლების განმავლობაში საქმეზე გაკეთდა ყველაფერი, რომ ყველა მტკიცებულება ყოფილიყო ფალსიფიცირებული, რათა საზოგადოება შეეყვანა შეცდომაში და საქმე შეეკერათ“,-განაცხადა ირაკლი შოთაძემ. 

მან ასევე აღნიშნა, რომ მოპოვებულია არა ერთი ახალი მტკიცებულება, რომელიც შესაძლებლობას იძლევა, რომ  პროკურატურამ საქმეზე წარმოადგინოს ფაქტები, თუ რა მოხდა რეალურად 2006 წელს.

„ჩატარებულია საკმაოდ დიდი მოცულობის სამუშაოები, მოპოვებულია არა ერთი ახალი მტკიცებულება, რომელიც ცვლის საქმის ფაქტობრივ გარემოებებს, რაც წინა გამოძიების დროს იყო დადგენილი. ჩატარებულია არა ერთი ექსპერტიზა.  აქ არის არა მარტო ბუთურიძის ჩვენებები, აქ არის მთელი რიგი ჩვენებები, რომლებმაც წარმოაჩინა საქმეში ახალი რეალური ფაქტობრივი გარემოებები, რომელიც მთლიანად ცვლის საქმის არსს და რომელიც შესაძლებლობას იძლევა, რომ საქმეზე პროკურატურამ წარმოადგინოს ის ფაქტები, თუ რეალურად რა მოხდა 2006 წელს“,-განაცხადა ირაკლი შოთაძემ.

ამასთან, საქართველოს მთავარი პროკურორის მოადგილემ განცხადა,  რომ დარჩენილია გარკვეული საგამოძიებო მოქმედებები, რომლებიც უახლოს მომავალში დასრულდება და რის შემდეგადაც საზოგადოებისთვის გამოძიების შედეგები გახდება ცნობილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს