არავითარი კლანი სასამართლო სისტემაში არ არსებობს, - ასე უპასუხა იუსტიციის უმაღლეს საბჭოში გასაუბრებაზე მყოფმა მოსამართლე ლევან მურუსიძემ  საბჭოს არამოსამართლე წევრის ნაზი ჯანეზაშვილის კითხვას სასამართლო სისტემაში შესაძლო კლანური სისტემის არსებობაზე. 

როგორც მურუსიძემ აღნიშნა, ის მზად არის ყველა კითხვას პასუხი გასცეს. 

"მე ვარ ლევან მურუსიძე ამ სასამართლოს ლიდერი, რომელიც აერთიანებს მოსამართლეებს რეალურად იმ თემებზე საბრძოლველად, რასაც ჰქვია სასამართლოს დამოუკიდებლობა და თუ რამე პრეტენზია გაქვთ, მითხარით მე, იმიტომ რომ მე მოვედი ამ მიზნით, ერთხელ და სამუდამოდ ყველა კითხვას გავცე პასუხი. სასამართლოში მე ვარ ლიდერი, რომელსაც მოსამართლეებთან აქვს ურთიერთობა დიდი ხნის განმავლობაში და ეს ურთიერთობა აგებულია ურთიერთპატივისცემაზე, მეგობრობაზე, ამ დამოკიდებულების გამო ვიზიარებთ იმ საერთო მიზნებს, რასაც ჰქვია სასამართლოს დამოუკიდებლობა. მათ შორის ძალიან კარგი ურთიერთობა მაქვს იმ მოსამართლეებთან, რომელიც იყო ასოციაცია „ერთობის“ წევრი და ვთვლი, რომ ჩვენ ვართ თანამოაზრეები და მეგობრები ამ საქმეში. აქედან გამომდინარე, კიდევ ერთხელ ვამბობ, სასამართლო სისტემაში არ არსებობს არანაირი კლანი, სასამართლო სისტემა მიდის დამოუკიდებლობისაკენ და დიდი ნაბიჯია გადადგმული ამ მიმართულებით“, - განაცხადა ლევან მურუსიძემ. 

ავტორი: ,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.