„ჩვენ ვადასტურებთ, რომ  სასამართლო გარჩევა სომხეთის ტერიტორიაზე მოხდება და ის მაქსიმალურად ღია იქნება“, - ამის შესახებ რუსეთის საგარეო საქმეთა მინისტრმა სერგეი ლავროვმა სომხეთის ქალაქ გიუმრიში ავეტისიანების ოჯახის მკვლელობაში  ეჭვმიტანილი რუსი სამხედრო პირის ვალერი პერმიაკოვის სასამართლო პროცესთან დაკავშირებით განაცხადა.

ლავროვის თქმით, დამნაშავემ მკაცრი სასჯელი უნდა მოიხადოს, რომ მომავალში მსგავსი რამ არ მოხდეს.

„ჩვენ ვადასტურებთ, რომ სასამართლო  გარჩევა სომხეთის ტერიტორიაზე მოხდება და ის მაქსიმალურად ღია და ერთობლივი იქნება.  დარწმუნებული ვარ სასამართლო გამოიტანს ობიექტურ და  ადეკვატურ ვერდიქტს საზარელ დანაშაულზე. ჩვენ ვხედავთ  სიტუაციის პოლიტიზების მცდელობას, მაგრამ ეს არ ხდება  ხელისუფლების მხრიდან. ბევრი ცდილობს ეს ტრაგედია საკუთარი გეოპოლიტიკური  უპირატესობის მიღებისთვის გამოიყენოს. ეს ამაზრზენი და დაუშვებელია, რაც სომეხ ხალხს  არ შეშვენის. ჩვენ  ყველაფერს გავაკეთებთ  რომ დაუსჯელი არ დარჩეს,  დამნაშავემ მკაცრი სასჯელი უნდა მოიხადოს, რომ მომავალში მსგავსი რამ არ მოხდეს“,-განაცხადა ლავროვმა.

შეგახსენებთ, რომ რუსმა სამხედრო  პირმა ვალერი პერმიაკოვმა სომხეთის ქალაქ გიუმრიში, ავეტისიანების ოჯახი ჩაცხრილა, მათ შორის ექვსი თვის ჩვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს