"რუსთავში ორმაგი მარკირებით ხმის მიცემას კვლავ ცდილობდა რამდენიმე პირი“, - ამის შესახებ პარლამენტის თავმჯდომარე ირაკლი კობახიძემ განაცხადა. 

პარლამენტის თავმჯდომარემ ყველას მოუწოდა დანაშაულის ჩადენისგან თავი შეიკავონ. 

"რუსთავში ორმაგი მარკირებით ხმის მიცემას რამდენიმე პირი კვლავ ცდილობდა, ესენი არიან: მანანა ჩიტაძე, ნინო ცერცვაძე, დანიელ თუნდია. კიდევ ერთხელ გავიმეორებ ყველას გასაგონად, ეს არ ეხება მხოლოდ რუსთავში მოქმედ ნაციონალური მოძრაობის აქტივისტებს. მთელი ქვეყნის მასშტაბით მივმართავ ნაცმოძრაობის აქტივისტებს, ეს არის სისხლის სამართლის დანაშაული, თქვენ, თქვენი ლიდერები სისხლის სამართლის დანაშაულისკენ გიბიძგებენ. აქედან გამომდინარე ვაფრთხილებ ყველას, ეს არის დანაშაული, რომელსაც ბუნებრივია, შესაბამისი რეაგირება მოყვება. ყველას ვაფრთხილებ, თავი შეიკავონ ასეთი ქმედებისგან, სისხლის სამართლის დანაშაულის ჩადენისგან. ვხედავთ, რომ 10-ზე მეტია უკვე შემთხვევა , რომელიც დაფიქსირდა რუსთავში, რაც მეტყველებს იმაზე, რომ საქმე გვაქვს სისტემურ დანაშაულთან. ჩვენ კიდევ ერთხელ მივმართავთ შინაგან საქმეთა სამინისტროს, რომ საგამოძიებო მოქმედებები ჩატარდეს არამხოლოდ ამ პირთა მიმართ, არამედ იმ პირების მიმართაც, რომლებიც დგანან ამ სქემის სათავეში და რეაგირება უნდა იყოს უმკაცრესი. ეს არის საარჩევნო ხმის მოპარვა, უმძიმესი დანაშაული, რომელსაც უნდა ჰქონდეს უმკაცრესი რეაგირება.“- განაცხადა ირაკლი კობახიძემ.

ავტორი: ,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს