2015-06-14 11:25:15, 451 ნახვა
საზოგადოება
ზოოპარკის ადმინისტრაცია ყველას მოუწოდებს, ზოოპარკიდან გაქცეული ცხოველები არ მოკლან
თბილისის ზოოპარკი ყველას მოუწოდებს, ზოოპარკიდან გაქცეული ცხოველები არ მოკლან. ზოოპარკის ადმინისტრაციას თხოვნით მიმართავს ყველას, ზოოპარკიდან გაქცეული ცხოველის ნახვის შემთხვევაში, დარეკონ ნომერზე 595 33 35 72.
ცნობისთვის, სტიქიის შედეგად, ზოოპარკიდან გაქცეული მტაცებელი ცხოველები ცეცხლსასროლი იარაღით ლიკვიდირებული არიან. თუმცა, როგორც ზოოპარკის საზოგადოებასთან ურთიერთობის სამსახურის უფროსმა მზია შარაშენიძემ "ექსპრესნიუსს" განუცხადა, ამ დრომდე უცნობია, ნაპოვნია თუ არა უკლებლივ ყველა ის ცხოველი, რომელიც სტიქიის დროს ზოოპარკიდან გაიქცა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
