საგარეო საქმეთა სამინისტროს პრესისა და ინფორმაციის დეპარტამენტის ინფორმაციით, "სპუტნიკ აბხაზიას" მიერ გავრცელებული ინფორმაცია, თითქოს ამერიკულ გამოცემა Krause-მა ოკუპირებული რეგიონი დამოუკიდებელ რესპუბლიკად აღიარა, სიმართლეს არ შეესაბამება. 

როგორც "ექსპრესნიუსს" უწყებიდან აცნობეს, მსოფლიო მონეტების 2019 წლის კატალოგის ელექტრონულ ვერსიაში აფხაზეთის რეგიონი მოხსენიებულიც კი არ არის.

"გთხოვთ, გაეცნოთ მსოფლიო მონეტების 2019 წლის კატალოგის სრულ ელექტრონულ ვერსიას, რომელიც ადასტურებს, რომ სოციალურ ქსელებში გავრცელებული ფოტო და ვიდეო მასალა, თითქოს კატალოგის ქვეყნების ინდექსში დამოუკიდებელი ქვეყნის სტატუსით იყოს შეტანილი მონეტები ოკუპირებული აფხაზეთის რეგიონიდან, სინამდვილეს არ შეესაბამება. მსოფლიო მონეტების 2019 წლის კატალოგის ელექტრონულ ვერსიაში მოხსენიებულიც კი არ არის აფხაზეთის რეგიონი. კატალოგი არის ონლაინ გაყიდვაში და ხელმისაწვდომია ნებისმიერი დაინტერესებული პირისთვის", - აცხადებენ პრესისა და ინფორმაციის დეპარტამენტში. 

ცნობისთვის, Sputnik Abkhazia-მ გაავრცელა ინფორმაცია, თითქოს ამერიკულმა გამოცემა "Krause"-მა, ოკუპირებული აფხაზეთის ე.წ. ეროვნული ბანკის მიერ გამოშვებული მონეტების ფოტოები გამოაქვეყნა. მედია საშუალების ინფორმაციით, აფხაზეთის რუკა ამავე გამოცემის ყდაზე დაიბეჭდა და ის საქართველოს ტერიტორიისგან გამოყოფილია.

ავტორი: ,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს