„400-ლარიანი პენსია შეუძლებელია იმ მოცემულობაში, სადაც ახლა ვართ“, – ამის შესახებ საქართველოს ფინანსთა მინისტრმა ივანე მაჭავარიანმა მთავრობის სხდომის დასრულების შემდეგ გამართულ ბრიფინგზე განაცხადა.

მინისტრმა გაერთიანებული ოპოზიციის საპრეზიდენტო კანდიდატის, გრიგოლ ვაშაძის დაპირებას პენსიის გაზრდასთან დაკავშირებით უპასუხისმგებლო უწოდა.

„სამწუხაროდ, უპასუხისმგებლო განცხადებები კეთდება პოლიტიკაში. თვითონვე დაიხიეს უკან და თქვეს, რომ არ გვიგულისხმია, ერთ წელში მოხდება ესო, არც 2 წელიწადში და მგონია, რომ არც სამ წელიწადში. 400-ლარიანი პენსია ბუნებაში შეუძლებელია იმ მოცემულობაში, ახლა სადაც ვართ. თუ დავხურავთ უამრავ უწყებას, 1000-ლარიან პენსიასაც დავნიშნავთ, ოღონდ ეს სამი თვე გაგრძელდება. ის, რა ვალდებულებაც აიღო მთავრობამ ამ ეტაპზე 20 ლარით გაზრდის და საპენსიო რეფორმა, ამ ეტაპზე არის მაქსიმუმი, რაც შეიძლება გაკეთდეს, რომ არ დაზიანდეს ქვეყნის ეკონომიკა“, - განაცხადა ფინანსთა მინისტრმა. 

ავტორი: ,

სოციალური ქსელები

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა

აშშ აცხადებს, რომ ირანმა ჰორმუზის სრუტეში გემებზე თავდასხმა განაახლა