2015-06-12 17:54:47, 700 ნახვა
ეკონომიკა
იმ ფერმერების საკითხს შეისწავლიან, რომლებიც სახელმწიფოსგან მიწაზე ქონების გადასახადისგან გათავისუფლებას ითხოვენ
საქართველოს პრემიერ-მინისტრ ირაკლი ღარიბაშვილის დავალებით, შესაბამისი უწყებები იმ ფერმერების საკითხს შეისწავლიან, რომლებიც სახელმწიფოს მხრიდან მიწაზე ქონების გადასახადისგან გათავისუფლებას ითხოვენ.
საქმე ეხება რამდენიმე ფერმერს, რომლებიც 2014 წელს კახეთში გვალვის შედეგად დაზარალდნენ და ამ მიზეზით ქონების გადასახადი ვერ გადაიხადეს. მათ დახმარებისთვის პრემიერ-მინისტრს გუშინ მიმართეს.
მთავრობის მეთაურის დავალების საფუძველზე, აღნიშნული საკითხის შესწავლაში, მთავრობის ადმინისტრაციის რეგიონებთან და ადგილობრივ თვითმმართველობის ორგანოებთან ურთიერთობის დეპარტამენტი უკვე ჩაერთო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
