თბილისის მერი კახა კალაძე წყნეთის გზატკეცილსა და ჩოლოყაშვილის გამზირთან არსებული შუა გამყოფი ზოლისა და მიმდებარე თარგების გამწვანების სამუშაოებს გაეცნო.

როგორც კახა კალაძემ განაცხადა, არსებული ეკოლოგიური მდგომარეობის გამოსასწორებლად, დედაქალაქს მეტი მწვანე სივრცე სჭირდება და თბილისის მერია ამ მიმართულებით აქტიურად მუშაობს.

„ეს არის გზაგამყოფი, რომელსაც ფაქტობრივად, სრული რეაბილიტაცია უტარდება. ჩვენი პოლიტიკაა, რომ ქალაქში არსებული გზაგამყოფები, რომლებიც ძირითადად, ბეტონის იყო, გამწვანებით შევცვალოთ და ბეტონის ნაცვლად, გამწვანებული სივრცეები არსებობდეს. ეს ყველაფერი ძალიან მნიშვნელოვანია იმ თვალსაზრისით, რომ ქალაქში მეტი მწვანე სივრცე, ბევრი ხე-მცენარე გვჭირდება, რათა  არსებული ეკოლოგიური მდგომარეობა გამოვასწოროთ. რა თქმა უნდა, არსებულ რეალობას ეს  ვერ შეცვლის და საჭიროა სხვა ღონისძიებებიც, რომელსაც დედაქალაქის მერია ახორციელებს. ამ მიმართულებით რეფორმებს ვატარებთ და დარწმუნებული ვარ, სიტუაციის გამოსწორებას აუცილებლად შევძლებთ“, - განაცხადა კახა კალაძემ.

მისივე თქმით, ამ ეტაპზე, 2 500 ძირი ხე-მცენარე უკვე თბილისშია და ისინი წინასწარ შერჩეულ ლოკაციებზე ეტაპობრივად დაირგვება.  

თბილისის მერის ინფორმაციით, 23 ოქტომბერს, გამწვანების სამუშაოები კოსტავა-შარტავას რეაბილიტებულ ქუჩებზე მოწყობილ ახალ გზაგამამყოფზე განხორციელდება. კახა კალაძემ მსურველებს მოუწოდა, 14:00 საათზე თბილისის მერიასთან შეიკრიბონ და სამუშაოებში ჩაერთონ.

მერმა ასევე აღნიშნა, რომ მნიშვნელოვანია არა მხოლოდ ნერგების დარგვა, არამედ მათი მოვლა-პატრონობა და შენარჩუნებაც. მისივე თქმით, ამ მიზნით, ყველა იმ ადგილზე, სადაც გამწვანების სამუშაოები მიმდინარეობს, სარწყავი სისტემა მოწესრიგდა.

მერის ინფორმაციით, წელს მიმდინარე საშემოდგომო რგვების ფარგლებში, 12 000-მდე ხე-მცენარე დაირგვება.

(NS)

ავტორი: ,

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა