თელავის მუსიკის საერთაშორისო ფესტივალის ორგანიზატორებმა იუსტიციის სამინისტროს სსიპ „დანაშაულის პრევენციის ცენტრის“ ბენეფიციარებს წინანდალში, ალექსანდრე ჭავჭავაძის სახლ-მუზეუმში უმასპინძლეს.

პროგრამა „გოგონათა კლუბის" წევრებმა დაათვალიერეს მუზეუმის დარბაზები, იქ დაცული ექსპონატები, წინანდლის ბაღი. მოზარდებისთვის ღია ცის ქვეშ გაიმართა ლექცია-კონცერტი. სიმებიანი კვარტეტის „იბერის" მუსიკოსებმა ქართველი და უცხოელი კლასიკოსი კომპოზიტორების მიერ შექმნილი ნაწარმოებები შეასრულეს. გოგონებმა  მოისმინეს  საინტერესო ამბები ფესტივალისა და კლასიკური მუსიკის ისტორიიდან.

სსიპ „დანაშაულის პრევენციის ცენტრის“ დირექტორმა თათია ხოჭოლავამ ფესტივალის ორგანიზატორებს თანამშრომლობისთვის მადლობა გადაუხადა. მსგავსი შემეცნებით-კულტურული ღონისძიებები იუსტიციის მინისტრსა და სსიპ „კლასიკური მუსიკის დაცვის, განვითარებისა და პოპულარიზაციის ცენტრს" შორის გაფორმებული მემორანდუმის ფარგლებში იმართება. აქცენტი კეთდება მედიაციის სახლის ბენეფიციარებზე, სოციალურად დაუცველ არასრულწლოვან გოგონებზე. „გოგონათა კლუბი“ სსიპ „დანაშაულის პრევენციის ცენტრის“ ბაზაზე არსებული მედიაციის  სახლში ფუნქციონირებს და ახალგაზრდებს თავისუფალი დროის ნაყოფიერად და საინტერესოდ გატარების შესაძლებლობას აძლევს.

(NS)

ავტორი: ,

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"