ციხელაშვილი: მაია ოთინაშვილის გასათავისუფლებლად ყველა შესაძლო არხი ამოქმედებულია

2018-10-02 16:34:06, 1529 ნახვა

კომენტარი

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი სოფელ ხურვალეთთან 37 წლის მაია ოთინაშვილის გატაცების ფაქტს ეხმაურება.

ციხელაშვილის განმარტებით, ყველა ბერკეტი ამოქმედებულია, რათა საქართველოს მოქალაქე მალე გათავისუფლდეს.

„ჩვენ საუბარი გვაქვს და საქმე გვაქვს იმ რეჟიმთან, რომელზეც მე თქვენ მოგახსენეთ, რომ არანაირ ჩარჩოებში აღარ ჯდება ეს მოქმედება და რა თქმა უნდა, ჩვენი მოთხოვნაც და მოწოდებაც ყველა პირის თუ ჯგუფის მიმართ, რომელსაც შეუძლია გარკვეული მოქმედებების ჩატარება, არის ის, რომ დაუყოვნებლივ იქნას ეს ქალბატონი გათავისუფლებული. ჩვენ გვაქვს კომუნიკაცია, კიდევ ერთხელ ვამბობ, აბსოლუტურად ყველა არხით“, - განაცხადა ქეთევან ციხელაშვილმა.

შეგახსენებთ, რომ ე.წ. მესაზღვრეებმა მაია ოთინაშვილი 29 სექტემბერს დააკავეს. ოკუპირებული სამხრეთ ოსეთის დე-ფაქტო სახელმწიფო უშიშროების კომიტეტის ინფორმაციით, მას ბრალად ე.წ. საზღვრის უკანონო გადაკვეთა ედება. მაია ოთინაშვილს ორთვიანი წინასწარი პატიმრობა მიესაჯა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები