ხორავას ქუჩაზე მოკლული დავით სარალიძის, მამა ზაზა სარალიძე შიმშილობს იწყებს.

ზაზა სარალიძე დროებითი ხელისუფლების დანიშვნას და შსს მინისტრის, გიროგი გახარიასა და იუსტიციის მინისტირის თეა წულუკიანის გადადგომას ითხოვს.

როგორც სარალიძემ პარლამენტთან მიმდინარე აქციაზე განაცხადა, ის იქამდე გააგრძელებს შიმშილობაა და აქციებს, სანამ მისი მოთხოვნები არ დაკმაყოფილდება.

"ცხრა თვის შემდეგ, მიწევს ქუჩაში გამოსვლა იმის მაგიერ, რომ ჩვენს შვილებს ვგლოვობდეთ გვიწევს ქუჩაში სამართლის ძებნა. ხელისუფლებამ გადაწყვიტა, რომ ჩემი შვილის მკვლელები უნდა იყვნენ გარეთ, ხელისუფლებამ გადაწყვიტა, რომ ყველა ის თანამდებობის პირი, ვინც გააყალბა ეს საქმე, უნდა იყოს თანამდებობაზე. მათ დაასკვნეს, რომ არავის შეუშლია ხელი გამოძიებისთვის, თუმცა თავად ხელისუფლება არის დღეს მკვლელი და მკვლელების ხელის დამფარებელი. დღეს აქედან ფეხს არ მოვიცვლი, აქ ვიქნები მანამ სანამ სამართლიანობა ჩვენს ქვეყანაში არ აღდგება, ჩემი კონკრეტული მოთხოვნაა, რომ ხელისუფლება გადადგეს. არავითარი წულუკიანი და გახარია ხელისუფლებაში. ისინი დღეს მკვლელობებს მფარველობენ. დღეს კობახიძე გამოდის და ამბობს, რომ ჩვენ ადამიანის უფლებებს ვიცავთ, ჩემი შვილი რადგან მიწაშია უფლებები აღარ აქვს?! ჩემი შვილის უფლებებს და ღირსებას ბოლომდე დავიცავ. შეიქმნას დროებითი ხელისუფლება და აუცილებლად დაიწყოს მსჯელობა ვადამდელ საპარლამენტო არჩევნებზე, იმიტომ რომ დღეს, ხელისფულება მკვლელია. დღეს მე ზაზა სარალიძე აქ ვჯდები და ვიწყებ შიმშილობას, სანამ მოთხოვნები არ დაკმაყოფილდება. მოვუწოდებ ყველა ადამიანს, განურჩევლად რელიგიისა, პოლიტიკური კუთვნილებისა და თანამდებობისა, შემოგვიერთდეს, რათა ერთხელ და სამუდამოდ დასამარდეს ჩვენს ქვეყნად შერჩევითი სამართალი. ჩვენს ქვეყანას დღეს მომავალი არ აქვს, სანამ მკვლელები ეყოლება სათავეში", - განაცხადა სარალიძემ. 

ავტორი: ,

სოციალური ქსელები

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი