„ჩვენ პროტესტს გამოვხატავთ და თავისთავად ცხადია, სულ რომ დამაკავონ, უარესს მიიღებენ, პირდაპირ გეუბნებით, თუ უნდა მისულიყო პროტესტის სათქმელად 1000 კაცი, მივა 10000, ეს არის და ეს“, - ამის შესახებ „პატრიოტთა ალიანსის“ წევრმა კოტე მორგოშიამ ჟურნალისტებს შსს-ში შესვლამდე განუცხადა.

იგი უწყებაში გამოკითხვაზე ფეხბურთელ გურამ კაშაის მიმართ შეურაცხმყოფელი და მუქარის შემცველი განცხადების გამო დაიბარეს.

„არ განუმარტავთ, რაზე ვართ დაბარებული, როგორც მითხრეს ჟურნალისტებმა გურამ კაშიას თემასთან ვარ დაბარებული, რაღაცა თითქოს მუქარის შემცველი ტექსტიაო, რომელიღაცა თქვენს პოსტშიო. მუქარის შემცველი ვერანაირად ვერ იქნებოდა, იმიტომ რომ იმ პოსტის უკან ქრონოლოგიურად, ზუსტად იყო გაწერილი ის პროტესტის ნიშნები, რაც დაგეგმილია და იქ არანაირად არაფერი არ არის უკანონო და შესაბამისად, ვერც ვერაფერი იქნება მაგაში მუქარის შემცველი. ჩვენ პროტესტს გამოვხატავთ და თავისთავად ცხადია, სულ რომ დამაკავონ, უარესს მიიღებენ, პირდაპირ გეუბნებით, ვთქვათ, თუ უნდა მისულიყო პროტესტის სათქმელად 1000 კაცი, მივა 10000 ეს არის და ეს, დანარჩენი მაგათი გადასაწყვეტია. ახლა მაგ თემით რომ პოლიციაში დამიბარეს, პირდაპირ გეუბნებით, რომ ვიზამ“, - განაცხადა კოტე მორგოშიამ.

შეგახსენებთ, შეურაცხმყოფელი განცხადებების გამო, გურამ კაშიამ Facebook-ის საკუთარი გვერდი წაშალა, ხოლო ინსტაგრამის ანგარიში მხოლოდ გამომწერებისთვის გახადა ხელმისაწვდომი.

ავტორი: ,

სოციალური ქსელები

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს

"საქართველოს ბანკის" მობილბანკიდან უცხოურ ბანკში გადარიცხვების ფუნქციონალი სრულად განახლდა