დღეიდან გორის სამხედრო ჰოსპიტალი მზის წყალგამაცხელებელი სისტემით ისარგებლებს.

როგორც თავდაცვის სამინისტროში აცხადებენ,  ენერგოეფექტური ტექნოლოგიების დანერგვით ჰოსპიტალი ენერგოდანახარჯებს, გადასახადებსა და გარემოზე მავნე ზემოქმედებას მნიშვნელოვნად შეამცირებს.

ენერგოეფექტური სისტემის პროექტი ოფიციალურად საქართველოს თავდაცვის მინისტრის პირველმა მოადგილემ დავით ებრალიძემ, სამხედრო ჰოსპიტალის დირექტორმა რევაზ კუჭუხიძემ და „BP საქართველოს“ გენერალურმა დირექტორმა კრის შლუტერმა გახსნეს.

მათ ენერგოეფექტურობისა და პროექტის მნიშვნელობაზე გაამახვილეს ყურადღება.

პროექტის ფარგლებში, სამხედრო სამედიცინო დაწესებულების სახურავზე მზის წყალგამაცხელებელი სისტემა განთავსდა, რომელიც ცხელი წყლით მომარაგების არსებულ სისტემას ნაწილობრივ ჩაანაცვლებს. პროექტი „BP საქართველოსა“ და ნავთობისა და გაზის სფეროში მისი პარტნიორების მიერ დაფინანსდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე