საქართველო რეგიონული მნიშვნელობის პროექტების განხორციელების პროცესში British Petroleum-ის ერთ-ერთი ყველაზე საიმედო პარტნიორია, - ამის შესახებ BP Georgia-ს ხელმძღვანელმა კრის შლიტერმა საქართველოს პრემიერ-მინისტრ მამუკა ბახტაძესთან შეხვედრისას განაცხადა.

პრემიერის პრესსამსახურის ინფორმაციით, საუბარი შეეხო BP-ის მიერ საქართველოში განხორციელებულ მსხვილ პროექტებს, რომლებშიც 2 მილიარდ დოლარზე მეტი ინვესტიცია ჩაიდო.

ხაზი გაესვა საქართველოში არსებულ ხელსაყრელ საინვესტიციო გარემოს და მთავრობის მიერ დაგეგმილ რეფორმებს, რომლებიც ინკლუზიური ეკონომიკური ზრდის ხელშეწყობას, მცირე და საშუალო ბიზნესის წახალისებას ისახავს მიზნად.

საუბრისას, მხარეებმა განიხილეს „შაჰ-დენიზის" მეორე ფაზის მიმდინარეობის პროცესი, ასევე - ბაქო-სუფსისა და ტრანსკასპიური მილსადენების როლი ენერგოუსაფრთხოების განმტკიცების საქმეში.

პრემიერ-მინისტრმა British Petroleum-ს მადლობა გადაუხადა საქართველოში განხორციელებული მსხვილი ინვესტიციებისა და მნიშვნელოვანი პროექტებისთვის, რომელთა მეშვეობით ქვეყანაში 6 ათასამდე ადამიანი დასაქმდა, მათი უმეტესობა კი იმ რეგიონის მცხოვრებია, სადაც BP პროექტებს ახორციელებს.

ავტორი: ,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე