თურქეთმა საქართველოსგან რუსი სამხედრო მფრინავის მკვლელობაში ბრალდებულის ექსტრადირება მოითხოვა

2018-07-03 15:19:34, 2075 ნახვა

მსოფლიო

თურქეთმა საქართველოს რუსი სამხედრო მფრინავის მკვლელობაში ბრალდებულის სერქან კურტულუშის ექსტრადირების თხოვნით მიმართა, - ამის შესახებ Interfax იუწყება.

მედია საშუალების ინფორმაციით, ქართველმა სამართალდამცველებმა კურტულუში 29 ივნისს ბათუმში დააკავეს. ის ინტერპოლის წითელი ცირკულარით იძებდენობოდა.

მედიის ცნობით, კურტულუში 2015 წელს რუსი სამხედრო მფრინავის ოლეგ პეშკოვის მკვლელობის საქმესთან დაკავშირებით დააკავეს, თუმცა მოგვიანებით ის გაათავისუფლეს. გარდა ამისა, თურქული მხარე სერქან კურტულუშს კრიმინალური დაჯგუფების შექმნაში და სხვადასხვა უკანონო ქმედებაში ადანაშაულებს.

ცნობისთვის, თურქეთის საჰაერო ძალებმა 2015 წლის 24 ნოემბერს რუსული ბომბდამშენი Су-24 ჩამოაგდეს. რუსმა მფრინავებმა კატაპულტირება მოახერხეს, თუმცა დაშვებისას მათ ცეცხლი გაუხსნეს, რის შედეგადაც ოლეგ პეშკოვი დაიღუპა. მოგვიანებით მას გმირის წოდება მიენიჭა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები