„შინაგან საქმეთა სამინისტროსთვის არ იარსებებს დახურული სივრცეები, როცა საკითხი ეხება ნარკოტიკებს“, - ასე უპასუხა პარლამენტის რიგგარეშე სხდომაზე შს მინისტრობის კანდიდატმა გიორგი გახარიამ „ევროპული საქართველოს“ წევრის, ელენე ხოშტარიას შეკითხვას, რომელიც 12 მაისს ჩატარებულ საპოლიციო ღონისძიებებს ეხებოდა.

როგორც გახარიამ აღნიშნა, დღეს მდგომარეობით უწყებისთვის ნარკოტიკებთან ბრძოლა ყველაზე მნიშვნელოვანი პრიორიტეტია.

,,სამწუხაროდ ქალბატონმა ელენემ ჩათვალა, რომ არ იყო საკმარისი დასაბუთება ამ ღონისძიების ჩასატარებლად, მე სპეციალურად ვიყავი აქ პარლამენტში და ვეცადე ამეხსნა, როგორც ჩანს ბოლომდე ვერ ავხსენი, მაგრამ ავხსნი ამას ყველაფერს აუცილებლად, რამდენიც  საჭირო არ უნდა იყოს, რამეთუ ვთვლით, რომ ნარკოტიკებთან ბრძოლა არის ყველაზე მნიშვნელოვანი პრიორიტეტი შინაგან საქმეთა სამინისტროსთვის დღეის მდგომარეობით და ნარკოტიკებთან ბრძოლა არ დაწყებულა არც ბასიანით და არც დამთავრდება ბასიანით. შინაგან საქმეთა  სამინისტროსთვის არ იარსებებს დახურული სივრცეები, როცა საკითხი ეხება ნარკოტიკებს, და ჩვენ ყოველთვის მაქსიმალურს გავაკეთებთ იმისთვის, რომ ყველა სახის ნარკოტიკებთან ბრძოლა იყოს ეფექტური. თუმცა , რა თქმა უნდა ნარკოტრაფიკი და ნარკოტიკებთან ბრძოლა არის ტრანსსასაზღვრო პრობლემა, ამიტომ ჩვენი საერთაშორისო თანამშრომლობა და საერთაშორისო პარტნიორები გვეხმარებიან ამ მიმართულებით, რა თქმა უნდა ამ მიმართულებით აუცილებლად უნდა ვიმუშაოთ პარლამენტთან ერთად, განსაკუთრებით ახალი ნარკოტიკების გაჩენის ნაწილში.   მოგეხსენებათ,  რომ მხოლოდ აპრილში  აკრძალული ნარკოტიკების ახალ სიაში მეფედრონი შეიყვანა პარლამენტმა და დღეს უკვე ეს არის დასჯადი ქიმიური შემადგენლობა, ამ მიმართულებით შინაგან საქმეთა სამინისტრო აკეთებს ბევრს, არ გავალ ეხლა კონკრეტიკაში, მიუხედავად იმისა, რომ ბოლო 5 თვის განმავლობაში,  მაგალითად ამოღებულია 13 კგ ჰეროინი  და. ა.შ.  ვთვლი, რომ ნარკოტიკებთან ბრძოლა უნდა იყოს არა მხოლოდ შინაგან საქმეთა სამინისტროს პრიორიტეტი, არამედ ყველა ჩვენთაგანის პრიორიტეტი, როგორც საკანონმდებლო ასე ოპერატიულ დონეზე. ჩვენ მზად ვართ ეფექტურად განვახორციელოთ ჩვენი უფლებამოსილება და იმედი გვაქვს, რომ საკანონმდებლო ჩარჩოს დახვეწაში, ისევე როგორც ქურდული სამყაროს მიმართულებით მოხდა, პარლამენტი დაგვიჭერს მხარს“, - განაცხადა გიორგი გახარიამ.

ავტორი: ,

სოციალური ქსელები

„ჩვენ გვჭირდება შემაკავებელი ორდერი“- ტრამპი მელონის კიდევ ერთხელ დასცინის

ლუკაშენკო: ბელარუსს ბრძოლა არ სურს, მაგრამ მტრის წინაშე თავს არ დახრის

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ