„ირაკლი შოთაძეს, რომელიც ვიღაცეებს არ მოსწონთ, ამ ტრიბუნიდან კიდევ ერთხელ ვუცხადებ მხარდაჭერას“, - ამის შესახებ იუსტიციის მინისტრობის კანდიდატმა თეა წულუკიანმა განაცხადა.

როგორც მან აღნიშნა, შოთაძეს დიდი წვლილი მიუძღვის 2016 წელს სისხლის სამართლის კანონმდებლობაში ცვლილებების შეტანის საქმეში, რის შედეგადაც, მისი განმარტებით, წინა ხელისუფლების დროს უკანონდ გამტყუნებული პირების საქმეებზე, გამამართლებელი განაჩენი დადგა.

„2016 წლის ივნისში, ქალბატონი ეკა ბესელიას, მაშინდელი ადამიანის უფლებების კომიტეტის, ქალბატონი ნინო გვენეტაძის, სამოსამართლო კორპუსის და სხვების, ასევე ბატონი ირაკლი შოთაძის სხვათაშორის, რომელიც ვიღაცეებს არ მოსწონთ, მაგრამ მე მას მხარდაჭერას ვუცხადებ ამ ტრიბუნიდან კიდევ ერთხელ, მისი დამსახურებაც იყო, რომ ჩვენ შევძელით ცლილებები შეგვეტანა სისხლის სამართლის კანონმდებლობაში. ამით შესაძლებელი გახდა, იმ ადამიანებისთვის, რომლებიც წინა ხელისუფლების დროს თვითნებურად და უკანონოდ გამტყუნებული პირებისთვის, შეგვეტანა კანონმდებლობაში ცვლილებები და პროკურატურას შესძლებოდა კანონით შესულიყო სასამართლოში შუამდგომლობით. შესაბამისად, ზუსტად 2 წლის თავზე 58 საქმეზე დასრულებულია გამოძიება. მათ ვისაც აქვს აქ ყვირილის სურვილი ამ კითხვაზე გასცენ სჯობს პასუხი, 40 საქმეზე ადამიანები ვინც წინა ხელისუფლების დროს იყვნენ გამტყუნებული, გამოცემულია გამამართლებელი განაჩენი, რატომ იყვნენ მაშ ისინი ამდენი ხანი ციხეში, მრავალი წლით და ძალიან ცუდ პირობებში და არა იმ პირობებში, რომელშიც ჩემი კოლეგა ბატონი კახი კახიშვილი ამყოფებს დღეს პატიმრებს, რადგან ასეთია დღეს ჩვენი პოლიტიკური ნება?!“-, აღნიშნა იუსტიციის მინისტრობის კანდიდატმა თეა წულიკიანმა.

ავტორი: ,

სოციალური ქსელები

ჯ.დ. ვენსი: დიდი ხანია, რაც ბრიტანეთს საკუთარი ხელმძღვანელობა ღალატობს

თბილისის ანძა აშშ-ის დროშის ფერებში განათდა

კიევში, ამერიკის დამოუკიდებლობის 250-ე წლისთავის აღსანიშნავად, სამშობლოს მონუმენტი აშშ-ის დროშის ფერებში განათდა

აშშ-ში ექსტრემალურმა სიცხემ 25 ადამიანი იმსხვერპლა და 4 ივლისის აღნიშვნა ჩაშალა