2018-06-15 18:38:38, 911 ნახვა
სამართალი
შსს-მ ენმ-ის წევრის, ბესო ქათამაძის ცემის ფაქტზე გამოძიება დაიწყო
შინაგან საქმეთა სამინისტრომ ოზურგეთის საკრებულოში მომხდარი ფიზიკური დაპირისპირების ფაქტზე გამოძიება დაიწყო.
უწყების ინფორმაციით, გამოძიება სსკ-ის 126-ე მუხლის პირველი ნაწილით მიმდინარეობს, რაც ცემას გულისხმობს.
ცნობისთვის, ოზურგეთის საკრებულოს „ნაციონალური მოძრაობის“ წევრი ბესო ქათამაძე აცხადებს, რომ „ქართული ოცნების“ დეპუტატებმა ის ფრაქციის ოფისში დაიბარეს და ფიზიკურად გაუსწორდნენ.
ქათამაძის თქმით, მას 8 პირი სცემდა, რომელთაგან ერთ-ერთმა თავში რკინის საგანი ჩაარტყა.
მომხდარის შემდეგ ქათამაძე „მედალფას“ რეანიმაციულ განყოფილებაში გადაიყვანეს. მას თავზე რამდენიმე ნაკერი დაადეს.
![]()
ავტორი: ,
epn.ge (@expressnews.ge)
