გაფიცული მემანქანეები კახა კალაძეს შეხვედრას სთხოვენ (ვიდეო)

2018-06-03 18:10:09, 1271 ნახვა

საზოგადოება

მეტროს მემანქანეები გაიფიცნენ და უვადო შიმშილობა დაიწყეს.

მეტროს მემანქანეებმა გაფიცვა, დღეს 15:00-დან გლდანის დეპოში დაიწყეს. მათი თქმით, 4 ივნისს მეტროს სრულმასშტაბიან პარალიზება მოხდება.

მათივე თქმით, ისინი იმუშავებენ მანამდე, სანამ მათ სამუშაოს გაგრძელების საშუალებას ჯანმრთელობის მდგომარეობა მისცემს, რაც მეტროპოლიტენის შიდაგანაწესში მკაცრად არის გაწერილი.

ასევე, მემანქანეები, თბილისის მერის, კახა კალაძის განცხადებას გამოეხმაურნენ, რომელმაც აღნიშნა, რომ მემანქანეები შანტაჟის ენით ელაპარაკებიან არა მერიას, არამედ თბილისის მოსახლეობას.

ასევე, მათ თბილისის მერს შეხვედრა სთხოვეს.

„არავითარი 1400 ლარი ჩვენ არ გვაქვს. ბატონო კახი მობრძანდით ჩვენთან, დავილაპარაკოთ და აგიხსნით ყველაფერს, რა პირობებში მუსაობს ეს ხალხი. რაც შეეხება ჩვენ გადაწყვეტილებას, თოთქოსდა არ ვემორჩილებით სასამართლოს გადაწყვეტილებას, არ არის ასე. ჩვენ მოსამართლის განჩინებას ვემორჩილებით სრულიად. მემანქანეებს, რომელთაც აეკძალათ სამუშაო დროის პერიოდში გაფიცვა, ისინი მუშაოებენ. ხოლო დასვენების საათესბ გამოვიყენებთ გაფიცვისთვის“,- განაცხადეს მემანქანეებმა.