ვაკის პარკში აქცია „აღდგეს სამართლიანობა პოლიტიკოსების გარეშე“ გაიმართება. აქცია 15:00 საათზეა დაგეგმილი და ის ხორავას ქუჩაზე მოკლული არასრულწლოვნების ლევან დადუნაშვილისა და დავით სარალიძის ოჯახების სოლიდარობის ნიშნად იმართება.

ამასთან, 15:00 საათისთვის აქციას გეგმავს სტუდენტების ნაწილიც, რომელიც პარლამენტთან გუშინ მიმდინარე აქციას გაემიჯნა.

სტუდენტები გუშინ იმ სკოლასთან შეიკრიბნენ, სადაც გარდაცვლილი მოზარდები სწავლობნენ.

მათი თქმით, ისინი მხარს უჭერენ ზაზა სარალიძეს და იზიარებენ მის მოთხოვნას ყველა დამნაშავის დასჯასა და სისტემური დამნაშავეების გამოვლენასთან დაკავშირებით, თუმცა ემიჯნებიან პოლიტიკური პარტიების მცდელობებს, ოჯახური ტრაგედიის პირადი ინტერესებისთვის გამოყენების თაობაზე.

სტუდენტების თქმით, მათთვის მიუღებელია, რომ პარლამენტის წინ მიმდინარე აქციაზე სიტყვით გამომსვლელებს შორის პოლიტიკურად ანგაჟირებული პირებიც გამოდიან.

ცნობისთვის, პარლამენტთან აქცია 18:00 საათზე იგეგმება. გვიან ღამით რამდენიმე პოლიტიკური პარტიის ლიდერებმა ხელისუფლების საწინააღმდეგო აქცია დააანონსეს. პარლამენტთან საინფორმაციო მიტინგი გაიმართება, რომელზეც ისინი სამოქმედო გეგმის შესახებ ისაუბრებენ.

ავტორი: ,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს