ესპანეთს ახალი პრემიერ-მინისტრი ჰყავს. ესპანეთის პარლამენტმა პრემიერად „ესპანეთის სოციალისტური მუშათა პარტიის“ ლიდერი პედრო სანჩესი აირჩიეს.

ესპანეთის პარლამენტში პრემიერ-მინისტრის უნდობლობის კენჭისყრა გაიმართა. მარიანო რახოის ქვეყნის პარლამენტმა უნდობლობა გამოუცხადა. 

"ჩემთვის დიდი პატივია დავტოვო უკეთესი ესპანეთი, ვიდრე ის ჩემ პრემიერ-მინისტრობამდე იყო, მადლობა ყველას, განსაკუთრებით ჩემ პარტიას. მათთან ერთად შეუძლებელი არაფერი იყო. მადლობა ყველა ესპანელს მხარდაჭერისთვის, წარმატებებს გისურვებთ ესპანეთისთვის“, – განაცხადა მარიანო რახოიმ.

უნდობლობის გამოცხადების მიზეზი გახდა ესპანური სასამართლოს გადაწყვეტილება „გიურტელის“ ანტიკორუფციულ საქმეზე, რომლის ფარგლებშიც მარიანო რახოის „სახალხო პარტიასთან“ დაკავშირებული ათეულობით პირი სასამართლომ თაღლითობაში, გადასახადების გადახდისგან თავის არიდებაში და ფულის გათეთრებაში დამნაშავებად ცნო. უნდობლობის კენჭისყრის ორგანიზატორი ოპოზიციური „სოციალისტური პარტიაა“.

ავტორი: ,

სოციალური ქსელები

ლაიენი: სომხეთი აგრძელებს გზას დემოკრატიისკენ, EU-სთან უფრო მჭიდრო თანამშრომლობისკენ

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით

TI: „ქართული ოცნების“ დონორებთან დაკავშირებულმა კომპანიებმა 17.7 მილიონი ლარის ღირებულების სამთავრობო კონტრაქტები მიიღეს.

დაპორტირდი სელფიში და მიიღე ყველაფერი ულიმიტო 3 თვე სრულიად უფასოდ