პარლამენტთან აქციის ორგანიზატორები „სისტემისგან დაჩაგრული ადამიანების“ სიას შექმნიან

2018-05-31 21:14:45, 1268 ნახვა

საზოგადოება

პარლამენტთან მიმდინარე აქციის ორგანიზატორები "სისტემისგან დაჩაგრული ადამიანების" სიის შექმნას იწყებენ.

როგორც ხორავას ქუჩაზე მოკლული ერთ-ერთი მოზარდის, ზაზა სარალიძის უფლებადამცველმა ზვიად კუპრავამ აღნიშნა, სიაში შევა ყველა ის ადამიანი, რომელიც წლების განმავლობაში სისტემისგან დაიჩაგვრა.

"ზაზა სარალიძე ახლა იბრძვის არა მხოლოდ თავისი შვილისთვის, არამედ ჩვენი ჩვილებისთვის. გამოდით და შემოუერთდით ამ აქციას ყველა. აქვე ვიტყვი, რომ ვქმნით სიას, რომელშიც იქნება შეყვანილი ყველა ის ადამიანი, რომელიც ამ წლების განმავლობაში სისტემის მხრიდან დაიჩაგრა და სამართლიანობა ვერ აღადგინა. გამოდით და მოგვიტანეთ თქვენი სიები! - ყველა ჩაიწერება და ჩვენ პასუხს მოვთხოვთ ყველას ვინც თქვენს ჩაგვრაშია დამნაშავე.ერთხელ და სამუდამოდ ამ სისტემას ბოლო უნდა მოეღოს. ჩვენ თქვენ დაგიცავთ", - განაცხადა უფლებადამცველმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები