„სარალიძის კითხვებზე პასუხი ძალიან ცინიკურია“ - მთავარ პროკურატურასთან საქართველოს პირველი ლედი მივიდა

2018-05-31 18:20:26, 1356 ნახვა

საზოგადოება

მთავარი პროკურატურასთან, სადაც ხორავას ქუჩაზე მოკლული მოზარდის მამა ზაზა სარალიძე აქციას მართავს, საქართველოს პირველი ლედი მაკა ჩიჩუა მივიდა,

როგორც ჩიჩუამ განაცხადა, მან აქციაზე მისვლით თავისი მოქალაქეობრივი ვალი დააფიქსირა. პირველმა ლედიმ მიმდინარე პროცესებს ცინიკური უწოდა.

"აქ მოვედი და ჩემი მოქალაქეობრივი ვალი დავაფიქსირე. დღეს აქ შეკრებილი საზოგადოება უსამართლობამ გააერთიანა და ვფიქრობ, რომ ჩემს ადგილას, ყველა ნორმალური ადამიანი და ყველა მოქალაქე ასე მოიქცეოდა. როგორც დედამ, რა თქმა უნდა, ძალიან განვიცადე ეს ამბავი. რამდენი ხანია ვუყურებ ამ გაუგებრობას, ასე რომ ვერ გავჩერდი სახლში. დუშეთიდან ჩამოვიდა, დავტოვე ჩემი ორი პატარა და ვარ იქ სადაც უნდა ვუყო და ჩემს მოვალეობას შევასრულებ ბოლომდე. ვხედავ, რომ ადამიანი რომელსაც შვილი მოუკლეს ასე ტრაგიკულად არის ძალიან ცუდ მდგომარეობაში და მას აქვს ძალიან ბევრი კითხვები. მას აქვს ეჭვები, რაზეც პასუხი ძალიან ცინიკური და უცნაურია. მე არ ვარ პროფესიონალი ამ საქმის არ ვარ პროკურორი, მაგრამ მე ვხედავ რომ ეს უსამართლობის განცდა ემუქრება ყველას. ეს ამბავი უნდა გაირკვეს ბოლომდე რომ ჩვენმა მომავალმა თაობამ იცხოვროს უშფოთველ გარემოში“, - განაცხადა მაკა ჩიჩუამ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები