ინტელექტუალური საკუთრების სისტემის განვითარების მნიშვნელობაზე ისაუბრეს  საქართველოს პრემიერ–მინისტრმა ირაკლი ღარიბაშვილმა და ინტელექტუალური საკუთრების მსოფლიო ორგანიზაციის (WIPO)  გენერალურმა დირექტორმა  ფრენსის გარიმ.

მთავრობის ადმინისტრაციის პრესსამსახურის ინფორმაციით, მხარეებმა ორმხრივი ურთიერთობების საკითხები განიხილეს. აღინიშნა, რომ ინტელექტუალური საკუთრების სისტემის განვითარება საქართველოს მთავრობის  მთავარი პრიორიტეტია, რომლის  დაცვაც  წარმოადგენს ერთ-ერთ მნიშვნელოვან საკითხს „ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების“ (DCFTA) ფარგლებში.

შეხვედრაზე ხაზი გაესვა იმ ფაქტს, რომ საქართველო  პირველი ქვეყანაა პოსტ-საბჭოთა სივრცეში, რომელმაც Microsoft–თან  სალიცენზიო შეთანხმება გააფორმა, რაც სახელმწიფო დაწესებულებების საინფორმაციო -ტექნოლოგიური სისტემების უსაფრთხობასა და დაცულობას ნიშნავს.

მხარეებმა  საქართველოს მთავრობასა და ინტელექტუალური საკუთრების მსოფლიო ორგანიზაციას შორის ინტელექტუალური საკუთრების დაცვის სფეროში ურთიერთთანამშრომლობის მემორანდუმის ხელმოწერის მნიშვნელობაზეც ისაუბრეს და თანამშრომლობის გაღრმავების იმედი გამოთქვეს.

შეხვედრას ინტელექტუალური საკუთრების ეროვნული ცენტრის–„საქპატენტი“  თავმჯდომარე ნიკოლოზ გოგილიძე დაესწრო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს