შინაგან საქმეთა სამინისტროს გადაუდებელი დახმარების ოპერატიული მართვის ცენტრ „112“-ს აშშ-ს ევროპული სარდლობისა და აშშ-ს არმიის სამოქალაქო-სამხედრო საგანგებო მზადყოფნის (CMEP) შემფასებელთა დელეგაცია ეწვია.

ვიზიტის მიზანი იყო საგანგებო სიტუაციებისას  სახელმწიფო უწყებების ფუნქციებისა და მათი როლის განსაზღვრა, ასევე, კოორდინაციის მექანიზმის შეფასება.

„112“-ის წარმომადგენლებმა დელეგაციის წევრებს საქართველოში გადაუდებელი დახმარების მართვის სფეროში არსებული ვითარებისა და ცენტრის ფუნქციონირების შესახებ დეტალური ინფორმაცია მიაწოდეს. სტუმრებმა ქოლ-ცენტრი დაათვალიერეს და ზარის მიღებისა და დამუშავების სპეციფიკას გაეცნენ.

ვიზიტის ფარგლებში, აშშ-ს ევროპული სარდლობისა და აშშ-ს არმიის სამოქალაქო-სამხედრო საგანგებო მზადყოფნის (CMEP) შემფასებელთა დელეგაციის წევრები საპატრულო პოლიციის, სასაზღვრო პოლიციისა და განსაკუთრებულ დავალებათა დეპარტამენტის წარმომადგენლებს შეხვდნენ და საგანგებო სიტუაციებზე რეაგირების პროცესში მათი შესაძლებლობები და ფუნქციები განიხილეს.

(NS)

ავტორი: ,

სოციალური ქსელები

ჯ.დ. ვენსი: დიდი ხანია, რაც ბრიტანეთს საკუთარი ხელმძღვანელობა ღალატობს

თბილისის ანძა აშშ-ის დროშის ფერებში განათდა

კიევში, ამერიკის დამოუკიდებლობის 250-ე წლისთავის აღსანიშნავად, სამშობლოს მონუმენტი აშშ-ის დროშის ფერებში განათდა

აშშ-ში ექსტრემალურმა სიცხემ 25 ადამიანი იმსხვერპლა და 4 ივლისის აღნიშვნა ჩაშალა