ჩვენ ვერ მოვისმინეთ რა კრიტერიუმებით იწყალებდა პრეზიდენტი მსჯავრდებულებს, რა კრიტერიუმით ანიჭებს ის საქართველოს მოქალაქეობას დეკემბრიდან დღემდე აბსოლუტურად ბუნდოვანი კრიტერიუმებით, რის საფუძველზე ეუბნება ჩვენი ქვეყნიდან დროებით წასულ თანამემამულეებს მოქალაქეობაზე უარს, - ამის შესახებ საქართველოს იუსტიციის მინისტრმა თეა წულუკიანმა პარლამენტში პრეზიდენტის ყოველწლიური გამოსვლის შეფასებისას განაცხადა.

როგორც წულუკიანმა აღნიშნა, ის მოხსენებით იმედგაცრუებულია. მისივე თქმით, პრეზიდენტის გამოსვლა არ ჰგავდა იმ ადამიანის გამოსვლას, რომელიც ქვეყანას 5 წელი მართავდა. 

„ჩემი განცდა სუბიექტურია, იმიტომ რო ერთი რიგითი მოქალაქის შთაბეჭდილებაა რომელიც უსმენდა საკუთარი ქვეყნის, სახელმწიფოს პირველ პირს, რომელიც ამ რანგში 5 წელი მართავდა ქვეყანას. მე ვარ მძიმე შთაბეჭდილებებით, რა თქმა უნდა იმედგაცრუებული, რადგან ვფიქრობდი რომ ეს გამოსვლა იქნებოდა იმ პრეზიდენტის გამოსვლა რომელიც 5 წელი იყო ამ პოზიციაზე. რომ იქნებოდა უფრო ვრცელი და სიღრმისეული, ანალიზით დატვირთული, რადგან ჩვენ იმ გეოპოლიტიკურ არეალში ცალი ხელით მთავრობა, ხელისუფლება და ქართველი ხალხი ვებრძვით ოკუპაციას თან ვაშენებთ ქვეყანას და ვამყარებთ ინსტიტუტებს. სადაც ალბათ სახელმწიფოს მეთაურისგან უფრო ვრცელი და ფუნდამენტური გამოსვლა იყო სასურველი. შესაბამისად მოლოდინი არ გამიმართლდა. სანაცვლოდ ჩვენ ვნახეთ გამოსვლა კაცისა, რომელიც საქმეში ჩაუხედავია თითქოს. სახელმწიფო პროცესები რას ეხება ქვეყნის შიგნით, თითქოს არ იცის და ალბათ არ იცის, თორემ ასეთ გამოსვლას არ გააკეთებდა. ეს რეალურად იყო, ძალიან თავისუფალ სტილში, მოკლე წინადადებების კრებული, რომლიდანაც აზრის გამოტანა, ხანდახან ჩემთვის რთული იყო“,- აღნიშნა წულუკიანმა.

იუსტიციის მინისტრის თქმით, პრეზიდენტის შენიშვნები ფაქტებს არ ემყარებოდა.

„ყველა ის პოსტულატი, რაც სწრაფ-სწრაფად პრეზიდენტმა ტრიბუნიდან გვესროლა, პრინციპში ფაქტებსაც არ ემყარებოდა და ბოლოს ზოგადი შეფასების სახით, ჩემ იმედგაცრუებას ვუკავშირებ იმასაც, რომ ჩვენ ვერ გავიგეთ ამ 5 წლის მანძილზე ის რას ფიქრობს. რა გააკეთა მან იმისთვის რომ ქვეყანაში იყოს ნაკლები პრობლემა, ნაკლები გაჭირვება, უფრო ძლიერი ინსტიტუტები და სახელმწიფო. სანაცვლოდ, ჩვენ მოვისმინეთ, რომ ის არის წუწუნის ხასიათზე, რომ მის ინსტიტუტს თითქოს ებრძოდა ვინმე. სინამდვილეში ჩვენ გადავედით საპარლამენტო რესპუბლიკაზე, რაც ნიშნავს იმას, რომ პრეზიდენტის ინსტიტუტმა თავისი უფლებამოსილებები შეიცვალა“,- აღნიშნა წულუკიანმა.

ავტორი: ,

სოციალური ქსელები

დიდი ოდენობით თანხის თაღლითურად დაუფლების ფაქტზე ერთ პირს ბრალდება წარუდგინეს

ევროპარლამენტარი კშიშტოფ ბრეიზა: ოცნების რეჟიმმა ავტორიტარიზმი დაამყარა, EU ვერ დარჩება დუმილის რეჟიმში

სირსკი: ჩემს შემცვლელს ვუტოვებ არმიას, რომელიც უტევს, იმედია, ეს გაგრძელდება

OpenAI: ავტონომიურმა AI-მ სხვა კომპანიის სისტემებში დამოუკიდებლად შეაღწია