შინაგან საქმეთა სამინისტრომ საპატრულო პოლიციის დეპარტამენტის ერთიანი მომსახურების ცენტრი გახსნა.

შინაგან საქმეთა სამინისტროს  ანალიზისა და რეფორმების სამმართველოს უფროსი  ბექა ლილუაშვილის თქმით, ახალი ცენტრის ფუნქციონირება საგრძნობლად გაზრდის მოქალაქეთათვის საპოლიციო სერვისების მიწოდების ეფექტიანობას და შემცირდება სასურველი სერვისის მიღების დრო.

„საპატრულო პოლიციის  ერთიანი მომსახურების ცენტრმა ჩაანაცვლა არა მხოლოდ „მე–12 ოთახი“, არამედ  რამდენიმე სხვადასხვა ლოკაცია, სადაც მოქალაქეებს საპატრულო პოლიციის  სერვისები მიეწოდებოდათ. მაგალითად, საჯარიმოდან ავტომობილის გაყვანის ნებართვა, შეჩერებული მართვის უფლების ჯარიმით ჩანაცვლება -  ყველა ეს სერვისი, რაც საპატრულო პოლიციის კომპეტენციის ფარგლებში მიეწოდებოდა მოქალაქეებს, აქამდე ძირითადად ხდებოდა  „მე-12 ოთახის საშუალებით, თუმცა სანებართვო მომსახურება, როგორიცაა  არაგაბარიტული ტვირთის გადატანის ნებართვა, დაკარგული სანომრე ნიშნის გაცემა და სხვა სერვისი, მოქალაქეებს მიეწოდებოდა რამიშვილის ქუჩაზე, N38–ში, სადაც ახლა ვიმყოფებით.   ჩვენი ამოცანა იყო, ეს მომსახურებები მოქალაქეებისთვის „ერთი სარკმლის“ პრინციპით მიგვეწოდებინა. სწორედ ამიტომ შევქმენით საპატრულო პოლიციის  ერთიანი მომსახურების ცენტრი, სადაც ერთ სივრცეში  თავმოყრილია 50-მდე სერვისი, მათ შორის, მომსახურების სააგენტოს გარკვეული სერვისები. შემდეგ ეტაპი ერთიანი მომსახურების ცენტრის განვითარების არის სწორედ იგივე კონცეფციის,  მოქალაქეებისთვის სერვისების „ერთი სარკმლის“ პრინციპით  მიწოდების კონცეფციის გადატანა საქართველოს რეგიონებში. აღსანიშნავია, რომ აღნიშნული ცენტრი გულისხმობს არა მხოლოდ ფიზიკურ ლოკაციას, სადაც თავს იყრის ყველა საპოლიციო სერვისი,  არამედ დოკუმენტბრუნვის და საქმისწარმოების ახალ სტანდარტს. ეს იმას ნიშნავს, რომ განაცხადებას, რომელიც საპატრულო პოლიციაში მიიღებოდა  ფურცელზე, ეს ელემენტი საერთოდ გაქრა და საკანცელარიო დოკუმენტბრუნვის კომპონენტი მთლიანად წამოვიდა ცენტრის განკარგულებაში“, - განაცხადა შინაგან საქმეთა სამინისტროს  ანალიზისა და რეფორმების სამმართველოს უფროსმა  ბექა ლილუაშვილმა.

(NS)

ავტორი: ,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა