ქალაქ სიღნაღში, უახლოეს ხანში, ქორწინების სახლის სარემონტო–სარეაბილიტაციო სამუშაოები იწყება, რის გამოც სარიტუალო დარბაზი დროებით დაიხურება. 

ამის შესახებ „ექსპრესნიუსს“ სახელმწიფო სერვისების განვითარების სააგენტოდან აცნობეს.

„სიღნაღში ქორწინების რეგისტრაციის მსურველთა რაოდენობა დიდია, ამის მიზეზი კი სიღნაღის ქორწინების სახლის 24 საათიანი რეჟიმით  მუშაობაა.  სარიტუალო დარბაზის სარემონტო სამუშაოების დასრულებამდე სიღნაღის ქორწინების სახლში წყვილები რეგისტრაციას იმავე შენობის პირველ სართულზე მდებარე სივრცეში შეძლებენ. სიღნაღში ქორწინების რეგისტრაციისა და მოწმობის გაცემის საფასური 50 ლარს შეადგენს.

ქორწინების სახლის სარეაბილიტაციო სამუშაოები ივნისში დასრულდება და განახლებული დარბაზი ტურისტულ სეზონის მიმდინარეობის პარალელურად გაიხსნება. როგორ ცნობილია, ქალაქ სიღნაღში ქორწინების რეგისტრაციის მსურველთა შორის არიან, როგორც საქართველოს, ასევე უცხო ქვეყნის მოქალაქეები“, - აცხადებენ სერვისების განვითარების სააგენტოში.

ცნობისთვის, სიღნაღში ქორწინების სახლი 2007 წლის 27 ოქტომბერს გაიხსნა. კოსტავას ქ. #10–ში მდებარე ქორწინების სახლის შენობა მე–19 საუკუნის  I ნახევარშია აგებული და ისტორიულ ძეგლთა ნუსხაშია შეტანილი.

ქორწინების სახლის სამუშაო დღეებია:  ორშაბათი, სამშაბათი, ოთხშაბათი, ხუთშაბათი, პარასკევი, შაბათი, კვირა; სახლი მუშაობს 24 საათის განმავლობაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა

თსსუ-ს საუნივერსიტეტო კლინიკიდან ვარდნის შედეგად ქალი დაიღუპა