საქართველოს შინაგან საქმეთა სამინისტროს საექსპერტო-კრიმინალისტიკური მთავარი სამმართველოს კინოლოგიურ სამსახურს აშშ-ს ჯორჯიის შტატის ძალოვანი უწყებების ხელმძღვანელი პირები და საქართველოში აშშ-ს საელჩოს ანტინარკოტიკული და სამართალდამცავ უწყებებთან თანამშრომლობის საერთაშორისო ბიუროს (INL) პროგრამის წარმომადგენლები ესტუმრნენ.

სამინისტროს ინფორმაციით, აშშ-ს ჯორჯიის შტატის პოლიციისა და საგამოძიებო ბიუროს ხელმძღვანელმა პირებმა კინოლოგიური სამსახური დაათვალიერეს, სადაც კაპიტალური სარემონტო და სარეკონსტრუქციო სამუშაოები ჩატარდა. სტუმრები გაეცნენ ოდოროლოგიური ექსპერტიზის და კრიმინალისტების მუშაობის სპეციფიკას. დელეგაციის წევრები სამოსამსახურეო ძაღლების მიერ სხვადასხვა სახის ნარკოტიკული საშუალების აღმოჩენის სიმულაციურ ვარჯიშებსაც დაესწრნენ. ასევე INL-ის თაოსნობით განხორციელებულ K9 პროექტის შედეგებს.

შსს-ს საექსპერტო-კრიმინალისტიკური მთავარი სამმართველო ჯორჯიის შტატის გამოძიების ბიუროსთან (GBI) 2010 წლიდან თანამშრომლობს. თანამშრომლობის ფარგლებში, ერთობლივი ტრენინგები და სემინარები, ასევე გაცვლითი პროგრამები რეგულარულად ტარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა

თსსუ-ს საუნივერსიტეტო კლინიკიდან ვარდნის შედეგად ქალი დაიღუპა