საქართველოს შინაგან საქმეთა სამინისტროს, ხუთდღიანი ოფიციალური ვიზიტით, პოლონეთის რესპუბლიკის სასაზღვრო პოლიციის საზღვაო დანაყოფის ანალიზის, ინფორმაციისა და საერთაშორისო თანამშრომლობის დეპარტამენტის უფროსის მოადგილე კაროლ ტურზინსკი ეწვია.

შსს-ს ინფორმაციით, ვიზიტი მიგრაციის საერთაშორისო ორგანიზაციის (IOM) პროექტის „საქართველოს მთავრობის შესაძლებლობების განვითარება მიგრაციისა და საზღვრის მართვის სფეროში“ განხორციელდა, რომელსაც ევროკავშირი აფინანსებს.

ვიზიტის მიზანია შსს-ს სტრუქტურული ერთეულების მიერ შემუშავებული „საქართველოს სახელმწიფო საზღვარზე რისკებისა და საფრთხეების ანალიზის ერთიანი სისტემის კონცეფციის“ განხორციელების სამოქმედო გეგმისა და შესაბამისი რეკომენდაციების მომზადება.

ვიზიტის ფარგლებში, პოლონელი ექსპერტი შსს-ს შესაბამისი დანაყოფების წარმომადგენლებს შეხვდა, მათ კომპეტენციებსა და ფუნქცია-მოვალეობებს გაეცნო. კაროლ ტურზინსკიმ საქართველო-აზერბაიჯანის სახელმწიფო საზღვარზე მწვანე საზღვარი და სასაზღვრო გამტარი პუნქტი მოინახულა. ექსპერტი აგრეთვე შეხვდა საქართველოს ფინანასთა სამინისტროს საბაჟო სამსახურის წარმომადგენლებს და საზღვრის ინტეგრირებული მართვის პროცესში ჩართულ უწყებებს შორის ინფორმაციის გაცვლის მეთოდებს გაეცნო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა

თსსუ-ს საუნივერსიტეტო კლინიკიდან ვარდნის შედეგად ქალი დაიღუპა