ნატოს გენერალური მდივანი იენს სტოლტენბერგი სირიაზე განხორციელებულ სარაკეტო დარტყმას მხარს უჭერს, - შესაბამისი განცხადება ჩრდილოატლანტიკური ალიანსის ოფიციალურ ვებგვერდზე გავრცელდა.

როგორც სტოლტენბერგმა აღნიშნა, ალიანსი სირიის ხელისუფლების მიერ ქიმიური იარაღის გამოყენებას მუდმივად გმობს. მისივე შეფასებით, მსგავსი ტიპის იარაღის გამოყენება საერთაშორისო ნორმებისა და შეთანხმებების აშკარა დარღვევაა.

"ქიმიური იარაღის გამოყენება მიუღებელია და დამნაშავეებმა პასუხი უნდა აგონ. ნატო ქიმიური იარაღის გამოყენებას განიხილავს როგორც საფრთხეს საერთაშორისო მშვიდობისა და უსაფრთხოებისადმი და მიიჩნევს, რომ „ქიმიური იარაღის კონვენციის“ დაცვა არსებითია. ეს საჭიროებს კოლექტიურ და ეფექტურ რეაგირებას საერთაშორისო თანამეგობრობის მხრიდან", - ნათქვამია ნატო-ს გენერალური მდივნის განცადებაში.

ცნობისთვის, დღეს დილით, საერთაშორისო კოალიციამ, რომელშიც აშშ, საფრანგეთი და ბრიტანეთი შედის, სირიაზე სარაკეტო დარტყმა განახორციელეს.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს