მყინვარწვერ „ყაზბეგზე“ ტურისტი გარდაიცვალა

2018-04-05 19:45:05, 1572 ნახვა

საზოგადოება

მყინვარწვერ "ყაზბეგზე" ტურისტი გარდაიცვალა, - ამის შესახებ "ექსპრესნიუსს საგანგებო სიტუაციების მართვის სამსახურში განუცხადეს.

როგორც საგანგებოს პრესსამსახურში აცხადებენ, მყინვარწვერზე სულ 3 ტურისტი იმყოფებოდა.

მათივე ინფორმაციით, უბედური შემთხვევის შედეგად კიდევ ორი ტურისტი დაშავდა.

"12:12 საათზე, „112“-ში შემოვიდა შეტყობინება მყინვარწვერზე უცხო ქვეყნის მოქალაქის, სავარაუდოდ, მთამსვლელის დაშავების შესახებ. შინაგან საქმეთა სამინისტროს მცხეთა-მთიანეთის პოლიციის დეპარტამენტს აღნიშნული შეტყობინება 12:16 საათზე გადაეცა. როგორც ამ დროისთვის სამართალდამცველებისთვის არის ცნობილი, უცხო ქვეყნის ერთ-ერთ მოქალაქეს, სავარაუდოდ, ფეხი დაუცურდა და სხეულის დაზიანება მიიღო. საქაერონავიგაციის ვერტმფრენი, სასაზღვრო პოლიციის მფრინავთან ერთად, ჩაერთო სამაშველო ღონისძიებაში და მყინვარწვერისკენ გაფრინდა", - ნათქვამია შსს-ს განცხადებაში.

რაც შეეხება გარდაცვლილ ტურისტს, მას სამაშველო სამსახური შემთხვევის ადგილიდან ამინდის და ხილვადობის გაუმჯობესების შემდეგ გადმოასვენებს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები