ნატო-ს გენერალური მდივნის ყოფილი მოადგილის ალექსანდრ ვერშბოუს განცხადებით, დიპლომატების გაძევება იმაზე მეტყველებს, რომ ამერიკის მთავრობა სერგეი სკრიპალის მოწამლვაში რუსეთის კვალს ხედავს. ინფორმაციას "ამერიკის ხმა" ავრცელებს. 

როგორც ვერშბოუმ აღნიშნა, დიპლომატების გაძევება იმის მაგალითია, რომ აშშ რუსეთის ქმედებებს აღარ შეეგუება. 

“ეს იმის მაგალითია, რომ ჩვენ არ ვაპირებთ გავაგრძელოთ რუსეთის საქციელთან რეაგირების გარეშე შეგუება. ისინი გაურკვევლობის უკან იმალებიან, ამბობენ, რომ [ქიმიური გაზის შესახებ] არაფერი იციან. მაგრამ ეს მიდგომა მათ სასარგებლოდ აღარ მუშაობს. ამ თავდასხმაზე რუსეთის თითის ანაბეჭდები კარგად ჩანს. პრეზიდენტმა პუტინმა ახლა უნდა გააცნობიეროს, რომ ტრამპის ადმინისტრაციასთან ისეთი დამტკბარი ურთიერთობა ვერ ექნება, როგორც ცოტა ხნის წინ იმედოვნებდა", - განაცხადა სამხრეთ კორეაში აშშ-ის ყოფილმა ელჩმა.

ვერშბოუს მიაჩნია, რომ რუსეთის წინააღმდეგ უფრო მკაცრი ნაბიჯებია საჭირო. მისი თქმით, ამ ნაბიჯებს შორის უნდა იყოს “პუტინთან დაახლოებული კონკრეტული პირების და ინტერესების წინააღმდეგ სანქციების დაწესება, რაც იმის კიდევ ერთი დასტური იქნება, რომ აგრესიის გამავრცელებელი სისტემის მხარდაჭერისთვის, მათ საფასურის გადახდა მოუწევთ".

ვერშბოუს აზრით, პუტინს დღემდე რეალურად არ უგრძვნია ეს ტვირთი უკრაინაში წარმოებული აგრესიის თუ ამერიკის და დასავლეთის სხვა ქვეყნების არჩევნებში ჩარევის გამო. მისი თქმით, დიპლომატების გაძევება პუტინის გათვლებს, სავარაუდოდ, არ შეცვლის. 

"ის, ალბათ, გააგრძელებს რუსი ხალხისთვის საჩვენებლად რუსეთის აუღებელ ციხე-სიმაგრედ წარმოჩენას, რომელიც მტრულად განწყობილი ქვეყნების მიერ არის გარშემორტყმული. თუმცა, საბოლოო ჯამში, მან იცის, რომ რუსეთის ეკონომიკა სუსტია და ის თავს უფლებას ვერ მისცემს ნატოსთან და ევროკავშირთან კონკურენცია დიდ ხანს გააგრძელოს. ამიტომ, კარგი იქნება, თუ ეს ნაბიჯი გარკვეულ დე-ესკალაციამდე მიგვიყვანს", - აღნიშნა ვერშბოუმ.

ავტორი: ,

სოციალური ქსელები

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა