2018-03-26 16:09:27, 2201 ნახვა
მსოფლიო
კემეროვოში ხანძრის შედეგად დაღუპულთა შორის ერთი ქართველია
კემეროვოში ხანძრის დროს დაღუპულთა შორის ერთი ქართველია, - ამის შესახებ VSE42.ru იუწყება.
მედია საშუალების ინფორმაციით, 37 წლის ტატიანა დარსალია კემეროვოს გიმნაზიაში მუშაობდა და ხანძრის დროს ცენტრში სავარაუდოდ სკოლის მოსწავლეებთან ერთად იმყოფებოდა.
მედიის ცნობით, შენობის სავინტილაციო შახტებიდან შავი კვამლი გამოდის. ბოლო მონაცემებით, ხანძრის შედეგად 64 ადამიანი დაიღუპა, მათი უმრავლესობა ბავშვები არიან. 44 ადამიანი ხანძრის დროს დაშავდა და 10 მათგანი მკურნალობას საავადმყოფოში აგრძელებს.
გარდა ამისა, ხანძრის გაჩენასთან დაკავშირებით სამართალდამცველებმა 4 პირი დააკავეს.
მსხვერპლის რაოდენობით კემეროვოს ხანძარი ერთ-ერთი ყველაზე მასშტაბურია ბოლო 100 წლის განმავლობაში.
![]()
ავტორი: ,
epn.ge (@expressnews.ge)
