წულუკიანი ჩაბუქზე: არსებობს რისკი, გაუჩნდეს სურვილი, რომ ექსტრადიციის პროცედურის დასრულებამდე დატოვოს ქვეყანა

2018-02-20 12:07:16, 1495 ნახვა

კომენტარი

იუსტიციის მინისტრი თეა წულუკიანი დემირელის კოლეჯის ყოფილი პედაგოგის მუსტაფა ემრე ჩაბუქის გირაოთი გათავისუფლებას გამოეხმაურა.

როგორც წულუკიანმა განმარტა, სასამართლოს გუშინდელი გადაწყვეტილება საექსტრადიციო პროცედურების დასრულებას არ გულისხმობს.

"ის რომ გუშინ ვადის 9 თვის გასვლასთან დაკავშორებით ბატონი ჩაბუქი გათავისფლდა სასამართლოს მიერ, რა თქმა უნდა არ ნიშნავს იმას რომ საექსტრადიციო პროცედურები დასრულდა. ის უბრალოდ ციხის გარეთ დაელოდება ექსტრადიციის სასამართლო პროცესების დასრულებას. მე როგორც ექსტრადიციის საკითხზე საბოლოო გადაწყვეტილების მიმღები პირი დაველოდები სასამართლო პროცედურების დასრულებას. ხოლო რაც შეეხება გუშინდელ გადაწყვეტილებას რომელიც ეხება პატიმრობის შეცვლას გირაოთი, ვფიქრობ რომ გირაოს თანხის ნაწილში, ის იმდენად დაბალია, რომ არსებობს რისკი, ბატონ ჩაბუქს გაუჩნდეს სურვილი, რომ ექსტრადიციის პროცედურის დასრულებამდე დატოვოს ქვეყანა. შესაბამისად გასაანალიზებელი იქნება ჩვენი მხრიდან ხომ არ უნდა გასაჩივრდეს გირაოს თანხის ნაწილში გუშინდელი გადაწყვეტილება. სასამართლო პროცესი ჯერ მიმდინარეობს და დასრულებული არ არის",-განაცხადა წულუკიანმა.

შეგახსენებთ, გუშინ, მუსტაფა ჩაბუქი სასამართლომ საექსტრადიციო პატიმრობიდან გირაოს სანაცვლოდ გაათავისუფლა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები