პარლამენტის ადამიანის უფლებათა დაცვის კომიტეტის თავმჯდომარე სოფო კილაძე საქართველოს მესამე პრეზიდენტის მიხეილ სააკაშვილის დეპორტაციიას უკრაინის შიდა საქმედ აფასებს. 

როგორც კილაძემ აღნიშნა, საქართველო უკრაინის სუვერენული უფლების გამოყენებაში ვერ ჩაერევა.

"ფაქტი ისაა, რომ თითოეულმა ქვეყანამ უნდა გადაწყვიტოს საკუთარი სუვერენული უფლებიდან გამომდინარე, რა ქმედებებს განახორციელებს კონკრეტული პირის მიმართ. ასე ჩათვალა ამ შემთხვევაში ამ ქვეყანამ, როგორც მოხდა პოლონეთში.  ეს მათი პრეროგატივაა. ჩვენ ნამდვილად ვერ ჩავერევით", - განაცხადა სოფო კილაძემ.

შეგახსენებთ, რომ 12 თებერვალს კიევის ერთ-ერთ რესტორანში საქართველოს მესამე პრეზიდენტი მიხეილ სააკაშვილი სპეცრაზმელებმა დააკავეს. ამის შემდეგ ყოფილი პრეზიდენტი პოლონეთში გააძევეს და განაცხადეს, რომ მას უკრაინის ტერიტორიაზე ლეგალურად ყოფნის საფუძველი არ ჰქონდა. თავად სააკაშვილი გაძევებას პოლიტიკურ დევნად აფასებს და აცხადებს, რომ ეს ვლადიმერ პუტინის, პეტრო პოროშენკოს და ბიძინა ივანიშვილის ერთობლივი გადაწყვეტილებაა.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს