მხედრიონის ყოფილი წევრის, პოლკოვნიკ დოდო გუგეშაშვილის ჯანმრთელობის მდგომარეობა სტაბილურია.

როგორც "ექსპრესნიუსს"  მისმა ახლობელმა, სამხედრო ექიმმა დავით მუხიგულმა განუცხადა, გუგეშაშვილი  ხელოვნური სუნთქვის აპარატიდან მოხსნეს.

დავით მუხიგული  ვარაუდობს, რომ გუგეშაშვილს პალატაში ხვალ გადაიყვანენ, რის შემდეგაც მისი დაკითხვა მოხდება.

გუგეშაშვილმა ამ დრომდე შვილის გარდაცვალების შესახებ არ იცის:

"ყოველთვის, როცა აზრზე მოდის, შვილის მდგომარეობას კითხულობს",-განუცხადა "ექსპრესნიუსს" დავით მუხიგულმა.

ნოდარ გუგეშაშვილს დედის გამოჯანმრთელებამდე არ დაკრძალავენ.

შეგახსენებთ, რომ მხედრიონის ყოფილ წევრს, პოლკოვნიკ დოდო გუგეშაშვილს საკუთარ სახლში თავს დაესხნენ. უცნობმა პირმა გუგეშაშვილს და მის შვილს ჭრილობები ცეცხლსასროლი იარაღიდან გასროლით მიაყენა. შვილი ადგილზე გარდაიცვალა, დოდო გუგეშაშვილი კი, საავადმყოფოშია გადაყვანილი. შინაგან საქმეთა სამინისტროს ინფორმაციით, გამოძიება განზრახ მკვლელობის და დამამძიმებელ გარემოებაში ჩადენილი განზრახ მკვლელობის მცდელობის ფაქტზე, სისხლის სამართლის კოდექსის 108-ე და 19-109-ე მუხლებით მიმდინარეობს.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს