„შინაგან საქმეთა სამინისტროში ძალიან საინტერესო პროცესი დაიწყო“, - ამის შესახებ საქართველოს საავტომობილო ფედერაციის პრეზიდენტმა შალვა ოგბაიძემ იაპონიის მთავრობის მიერ შსს-სთვის ელექტრო და ჰიბრიდული ავტომანქანების გადაცემის ცერემონიის შემდეგ განაცხადა.

როგორც მან აღნიშნა, ექსპლუატაციის და ხარჯვის თვალსაზრისით, საპატრულო პოლიცია ხდება გარემოსადმი მეგობრულად განწყობილი, რაც დედაქალაქის საჰაერო აუზის დაცვის  საქმეში მნიშვნელოვან წვლილს შეიტანს

„ერთ-ერთი ყველაზე მნიშვნელოვანი არის, მე ვიტყოდი,  საპატრულო  პოლიციის  სატრანსპორტო  საშუალებების გადაიარაღება. ამას, რა თქმა უნდა, წინ უძღვოდა  საქართველოს მთავრობის გადაწყვეტილება,  რომ ასამდე  ავტომობილი, ელექტრომობილები   და ჰიბრიდული მანქანები, რომლებიც იაპონიის გრანტით არის საჩუქრად გადმოცემული, არ გაბნეულიყო სხვადასხვა სტრუქტურაში,  არამედ გადასცემოდა ჩვენს საპატრულო პოლიციას. ეს არის მისასალმებელი. გარდა იმისა, რომ ეს ავტომობილები დაზოგავენ უზარმაზარ საბიუჯეტო თანხას, ექსპლუატაციის და ხარჯვის თვალსაზრისით, ეს სტრუქტურა ხდება უკვე გარემოსადმი მეგობრულად განწყობილი, რაც მნიშვნელოვან წვლილს შეიტანს ჩვენი დედაქალაქის საჰაერო აუზის დაცვის  საქმეში“, - განაცხადა შალვა ოგბაიძემ.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს