საგანგებო სიტუაციების მართვის სამსახურის მრავალშვილიანი მოსამსახურეები ხელფასთან ერთად ყოველთვიურ დანამატს მიიღებენ, - ამის შესაბამისი ბრძანება საკანონმდებლო მაცნეში გამოქვეყნდა.

როგორც სამსახურის უფროსის ბრძანებაშია აღნიშნული, მრავალშვილიან მოსამსახურეებს, გარდა სამსახურის სახელმწიფო სპეციალური წოდების მქონე მოსამსახურეებისა, ეძლევათ ყოველთვიური დანამატი შემდეგი  ოდენობით, მაგრამ არაუმეტეს ყოველთვიური თანამდებობრივი სარგოს ოდენობის 20%-ისა:

ა) ოთხი შვილის მშობელს – 250 ლარი;

ბ) ხუთი შვილის მშობელს – 375 ლარი;

გ) ექვსი შვილის მშობელს – 500 ლარი;

დ) შვიდი და მეტი შვილის მშობელს – 625 ლარი.

გარდა ამისა, ბრძანებაში ასევე ნათქვამია, რომ მოსამსახურეს ეძლევა ერთჯერადი ფულადი დახმარება:

ა) დაქორწინებისას – 1250 ლარის ოდენობით;

ბ) შვილის შეძენისას – 1250 ლარის ოდენობით;

გ) ოჯახის წევრის (მეუღლე, შვილი, დედა, მამა) გარდაცვალებისას – 1250 ლარის ოდენობით.

2. ამ მუხლის პირველი პუნქტით გათვალისწინებული ერთჯერადი ფულადი დახმარება გაიცემა შესაბამისი დოკუმენტაციის (ქორწინების მოწმობის ასლი, დაბადების მოწმობის ასლი, გარდაცვალების მოწმობის ასლი) წარდგენის საფუძველზე.

3. შრომითი ხელშეკრულებით დასაქმებულ პირს ამ მუხლის პირველი პუნქტით გათვალისწინებული დანამატის მიღების უფლება წარმოეშობა შრომითი ხელშეკრულების პირობებში სამსახურთან მისი 6 თვიანი უწყვეტი შრომითი ურთიერთობის შემდეგ. შრომითი ურთიერთობის ვადა უწყვეტად ჩაითვლება აგრეთვე იმ შემთხვევაში, თუ  შრომითი ხელშეკრულება დაიდო წინა ხელშეკრულების ვადის გასვლიდან 60 დღის განმავლობაში.

ამასთან, ბრძანების თანახმად, სამსახურებრივი მოვალეობის შესრულებისას, სამსახურის მეხანძრე-მაშველის/მაშველის ჯანმრთელობის დაზიანების შემთხვევაში, დაზიანების ხარისხის შესაბამისად, მას ეძლევა ერთჯერადი ფულადი დახმარება შემდეგი ოდენობით:

1.         ჯანმრთელობის მძიმე დაზიანებისას – 7 000 (შვიდი ათასი) ლარი;

2.         ჯანმრთელობის ნაკლებად მძიმე დაზიანებისას – 4 000 (ოთხი ათასი) ლარი;

3.         ჯანმრთელობის მსუბუქი დაზიანებისას – 2 000 (ორი ათასი) ლარი

ბრძანებებას ხელი სამსახურის უფროსმა გიორგი მღებრიშვილმა მოაწერა და ის ძალაში 31 იანვარს შევიდა.

სრული განკარგულება იხილეთ ბმულზე: https://matsne.gov.ge/ka/document/view/4034752

ავტორი: ,

სოციალური ქსელები

ლავროვისა და რუბიოს პირველი შეხვედრა თითქმის ერთი წლის შემდეგ მხოლოდ 35 წუთს გაგრძელდა

რუსაეთში ნავთობპროდუქტების წარმოების ბოლო 20 წლის განმავლობაში ყველაზე დიდი ვარდნა დაფიქსირდა

ქეთი დუმბაძე ონისე ოქრიაშვილზე ფიზიკურ თავდასხმაზე - ძალიან შევწუხდი და განვიცდი

ნოდარ დუმბაძის შვილიშვილი - ბაბუაჩემის სახელით ადამიანის ცემა ან პროვოკატორის ნახელავი უნდა იყოს, ან იდიოტის