„პროკურატურა ხელს არავის აფარებს“, - ამის შესახებ მთავარმა პროკურორმა ირაკლი შოთაძემ ხორავას ქუჩაზე არასრულწლოვნების მკვლელობის საქმის გამოძიებასთან დაკავშირებით განაცხადა.

შოთაძე საქმის ადვოკატების განცხადებებს გამოეხმაურა და აღნიშნა, რომ „ისინი გამოძიების დისკრედიტაციას ცდილობენ“.

„თავიდანვე გავრცელდა გარკვეული სპეკულაციები ამ საკითხზე და ის ადამიანი, ვისი შვილიც მონაწილეობდა ამ ინციდენტში უკვე გარკვეული პერიოდია აღარ მუშაობას პროკურატურაში. რაც შეეხება ადვოკატების განცხადებებს, ჩემთვის სრულად გასაგებია მათი პოზიცია. ეს არის მათი ტაქტიკა და ცდილობენ გამოძიების დისკრედიტაციას. თუმცა რეალობა არის სხვა. ამ ინციდენტში მონაწილეობდა ათეულობით არასრულწლოვანი. ყველა მონაწილე ამ ინციდენტის დაკითხულია. ეს ადამიანები ასევე დაიკითხებიან სასამართლოში, შესაბამისად მათ აქვთ სრული შესაძლებლობა სასამართლოს მიაწოდონ ის რეალობა, რაც მოხდა იმ საზარელ დღეს. შესაბამისად, ამ ეტაპზე გამოძიების მეირ მოპოვებული მტკიცებულებებით, მათ შორის ყველა შემსწრე პირის დაკითხვისას მიღებული ინფორმაციით გამოკვეთილია ორი პიროვნება, რომლებიც ამ ეტაპზე მიცემული არიან პასუხისგებაში დამამძიმებელ გარემოებაში მკვლელობისათვის“, - განაცხადა ირაკლი შოთაძემ.

შეგახსენებთ, პირველ დეკემბერს, ხორავას ქუჩაზე სკოლის მოსწავლეებს შორის მომხდარი დაპირისპირებისას ორი არასრულწლოვანი ცივი იარაღით დაჭრეს. ერთი მოზარდი ადგილზე დაიღუპა, მეორე კი საავადმყოფოში გადაიყვანეს, თუმცა მძიმე ჭრილობების გამო, ექიმებმა მისი გადარჩენა ვერ შეძლეს.

ავტორი: ,

სოციალური ქსელები

აზერბაიჯანის მოქალაქე გარდაიცვალა თბილისში, რომელიც „ღირსების მიზნით მკვლელობის“ მსხვერპლი გახდა

ტრამპმა კომუნიზმს აშშ-ის თავისუფლებისთვის „მომაკვდინებელი საფრთხე“ უწოდა

პოლონეთის პრემიერ-მინისტრი უკრაინაში ომზე: მომდევნო თვეები შესაძლოა კრიტიკული იყოს

ტრამპმა გამოაქვეყნა ასდოლარიანი კუპიურის სურათი, რომელზეც მისი ხელმოწერაა გამოსახული