პარლამენტის თავმჯდომარე ირაკლი კობახიძემ „მაუწყებლობის შესახებ“ კანონთან დაკავშირებით მედიის წარმომადგენლებთან შეხვედრა კონსტრუქციულად შეაფასა.

თუმცა, მისივე თქმით, დღევანდელ დისკუსიაში გარკვეული ხარვეზები იყო. პარლამენტის თავმჯდომარემ ქართულ მედიაში ინსტიტუტების პატივისცემის საკითხი ახსენა და განაცხადა, რომ  კონკრეტულმა გამომსვლელებმა ინსტიტუტებს პატივი არ სცეს:

„მნიშვნელოვანია, რომ ასეთ აქტუალურ საკითხებზე ერთად ვიმსჯელოთ ხოლმე, რა თქმა უნდა, იყო საშუალება სხვადასხვა ფორმატში მსჯელობის, კომიტეტებში განიხილებოდა კანონპროექტი და იქ იყო ჩართულობის შესაძლებლობა, თუმცა, ბუნებრივია, ყველა რესურსი უნდა ამოვწუროთ, როდესაც არის საბოლოო ჯამში გადაწყვეტილება მისაღები.

იყო გარკვეული ხარვეზები დღევანდელ დისკუსიაში, ამაზე მე მაინცდამაინც ყურადღებას არ გავამახვილებ, უბრალოდ მინდა,  ვთქვა, რომ ხშირად არის აქტუალური თემა ინსტიტუტების პატივისცემა ქართულ მედიაში. აქ იყო რამოდენიმე შემთხვევა, როდესაც ინსტიტუტებს პატივი არ სცეს კონკრეტულმა გამომსვლელებმა, რაც ძალიან სამწუხაროა. აქ არ არის საუბარი სახელებზე და გვარებზე, აქ არის საუბარი კონკრეტულ ინსტიტუტებზე, რაღაცა დროს სადღაც რაღაცა  უნდა თქვა, რაღაცა არ უნდა თქვა.

მთლიანობაში, მადლობა მინდა გადაგიხადოთ ძალიან კონსტრუქციული შეხვედრისთვის. დღეს ჩვენ გვქონდა დისკუსია, პირველივე წინადადება რაც ვთქვი ის იყო, რომ დღეს ვიქნებოდი აუცილებლად ოპონენტი, დღეს რომც მქონოდა განწყობა, რომ ვარ მომხრე ვეტოს გადალახვის, დღეს უნდა ვყოფილიყავი ოპონენტი, ეს დავაფიქსირე და ამანაც კი გაღიზიანება გამოიწვია, რაც, ბუნებრივია, არ წაადგა თავიდან დისკუსიას“,-განაცხადა პარლამენტის თავმჯდომარემ.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს