ტელეკომპანია "იბერიის" საინფორმაციო სამსახურის უფროსი ვახტანგ ხუზმიაშვილი მიიჩნევს, რომ "მაუწყებლობის შესახებ" კანონპროექტი ძალაში მაინც იმ ფორმით შევა, რა ფორმითაც ხელისუფლებას სურს.

როგორც ხუზმიაშვილმა ჟურნალისტებს განუცხადა, საზმაუმ კერძო ტელეკომპანიებს ხელი არ უნდა შეუშალოს.

"ეს კანონპროექტი მაინც ისე გავა, როგორც ხელისუფლებას უნდა, რაც ძალიან ცუდია. უპრიანი იქნება, საზოგადოებრივმა მაუწყებელმა ის 50 მილიონი დახარჯოს გონივრულად, რაც აქვთ და ხელი არ შეუშალონ დამოუკიდებელ ტელეკომპანიებს ნორმალურ ფუნქციონირებაში. ჩემთვის მნიშვნელოვანია, რომ ჩემ ტელეკომპანიაში შემოვიდეს რეკლამა და ხელი არ შეგვიშალოს. ისედაც არ არის ბაზარზე ბევრი რეკლამა, ჩვენ გვართმევენ მუშაობის საშუალებას",- განაცხადა "იბერიის" საინფორმაციო სამსახურის უფროსმა.

ცნობისთვის, პარლამენტში საკანონმდებლო ორგანოს თავმჯდომარის ირაკლი კობახიძის და მედიასაშუალებების წარმომადგენლების შეხვედრა მიმდინარეობს. შეხვედრის მთავარი და ერთადერთი განსახილველი საკითხი "მაუწყებლობის შესახებ" კანონია.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს