1980-1981 წლების სეზონის უეფა-ს თასების მფლობელთა თასის ტურნირში თბილისის „დინამოს“ გამარჯვებას ეროვნულ არქივში გამოფენა მიეძღვნა.

ღონისძიებაზე, რომელიც ეროვნული არქივის გენერალურმა დირექტორმა თეონა იაშვილმა გახსნა, ქართული ფეხბურთისათვის ამ მნიშვნელოვან თარიღზე სიტყვით გამოვიდნენ: სპორტისა და ახალგაზრდობის საქმეთა მინისტრი ტარიელ ხეჩიკაშვილი, იუსტიციის მინისტრის მოადგილე მიხეილ სარჯველაძე, „დინამოს“ მაშინდელი კაპიტანი ალექსანდრე ჩივაძე და ფეხბურთის ფედერაციის გენერალური მდივანი რევაზ არველაძე.

გამოფენას ეწვივნენ ვეტერანი ფეხბურთელები, რომელთაც საიბილეო პოსტერზე ხელმოწერები დატოვეს.

ექსპოზიციაზე „1981 წლის 13 მაისი - თბილისის „დინამო“ უეფა-ს თასების მფლობელთა თასის მფლობელი“ წარმოდგენილია ტურნირის მატჩების, მათ შორის ფინალის ამსახველი ფოტოები, „დინამოს“ მწვრთნელებისა და ფეხბურთელების შარჟები, საგაზეთო პუბლიკაციები, რომელიც ამ გამარჯვებას მიეძღვნა, ასევე, ბურთი, რომლითაც ტურნირის ფინალი ითამაშეს და თასის ასლი, რომელიც ქართველებმა იენას „კარლ ცაისთან“ ფინალური მატჩის მოგებით დაიმსახურეს. გამოფენის დამთვალიერებელს საშუალება აქვს, იხილოს ტურნირის მატჩების კინოკადრები.

გამოფენა ორგანიზებულია ეროვნული არქივისა და ფეხბურთის ფედერაციის მიერ.

ექსპოზიცია 22 მაისამდე გაგრძლდება. დასწრება თავისუფალია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა