საქართველოს პრეზიდენტის საპარლამენტო მდივნის ანა ნაცვლიშვილის განცხადებით, რეპრესიული ნარკოპოლიტიკა გადახედვას აუცილებლად საჭიროებს.

ნაცვლიშვილმა არ დააკონკრეტა შეიწყალებს თუ არა პრეზიდენტი მსახიობ გიორგი გიორგანაშვილს (ბახალას), თუმცა აღნიშნა, რომ ერთ საქმეზე რეაგირება პრობლემის არსს ვერ შეცვლის.

"ერთ კონკრეტულ საქმეზე რეაგირება ვერ მოაგვარებს იმ სისტემურ პრობლემას, რომელსაც ჰქვია რეპრესიული და ძალადობრივი ნარკოპოლიტიკა. ამიტომ, ყურადღების გამახვილება ყველა აქტორის მხრიდან არის აუცილებელი იმაზე, რომ სისტემურად შეიცვალოს მდგომარეობა და ცალკეულ, ფრაგმენტულ საქმეებზე რეაგირება ვერ გამოასწორებს იმ პრობლემას, რის გამოც დღეს ასეულობით ადამიანი ძალიან მძიმე მდგომარეობაში იმყოფება", - განაცხადა ანა ნაცვლიშვილმა.

შეგახსენებთ, რომ "ბახალას" 23 იანვარს თბილისის საქალაქო სასამართლომ 8 წლით თავისუფლების აღკვეთა მიუსაჯა. მსახიობი გიორგი გიორგანაშვილი დიდი ოდენობით ნარკოტიკული ნივთიერების, ბუპრენორფინის შენახვის ბრალდებით 2017 წლის იანვარში დააკავეს.იგი წინასწარი პატიმრობიდან 20 000 ლარიანი გირაოს სანაცვლოდ გათავისუფლდა. გიორგი გიორგანაშვილი ბრალს არ აღიარებს და ამბობს,  რომ ნარკოტიკი ჩაუდეს.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს