პანკის ხეობის მოსახლეობა მიიჩნევს, რომ თემირლან მაჩალიკაშვილი ხელყუმბარას საკუთარ სახლში არ ააფეთქებდა.

როგორც ერთ-ერთმა პანკისელმა აღნიშნა, მაჩალიკაშვილის დაკავება ძალის გამოყენების გარეშეც იყო შესაძლებელი. 

"ჩადენილია დანაშაული. დანაშაულს იმიტომ ვახსენებ, რომ გასროლა არ იყო ადეკვატური და აუცილებელი. გამორიცხულია, რომ თემირლან მაჩალიკაშვილს ხელყუმბარა აეფეთქებინა საკუთარ ოჯახში, სადაც მისი მშობლები, და და ბებია იმყოფებოდნენ. ეს იყო სადამსჯელო ოპერაცია და არა ანტიტერორისტული. ტერორიზმთან ბრძოლის ლოზუნგით, თვითონ ხელისუფლება არ გადაიქცეს ტერორისტად", - განაცხადა დუისის მკვიდრმა.

თემირლან მაჩალიკაშვილს პანკისის ხეობის, სოფელ დუისში დღეს, დღის მეორე ნახევარში დაკრძალავენ. ის გუშინ წმინდა მიქეილ მთავარანგელოზის საავადმყოფოში გარდაიცვალა. მოგვიანებით მაჩალიკაშვილის ცხედარს ლევან სამხარაულის ექსპერტიზის ბიუროში 4 საათის განმავლობაში ექსპერტიზა უტარდებოდა. გუშინვე, 19 წლის ახალგაზრდა პანკისში, საკუთარ სახლში გადაასვენეს.

ავტორი: ,

სოციალური ქსელები

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა