დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი ამირან გამყრელიძე გრიპის ვირუსის გააქტიურებას მიმდინარე თვიდან ვარაუდობს.

როგორც ამირან გამყრელიძემ აღნიშნა, შესაბამისი პროფილაქტიკური ღონისძიებები ტარდება. დაავადებათა კონტროლის ცენტრი მოსახლეობას ვაქცინაციისკენ მოუწოდებს და სიფრთხილის მიზნით პრევენციის ზომების დაცვას ურჩევს.

"გრიპის ვირუსი A იქნება თუ B, ის ჯერჯერობით არ არის იდენტიფიცირებული ქვეყანაში. მაგრამ ეს იმას არ ნიშნავს, რომ ის არ იქნება. ველოდებით, რომ ალბათ იანვარში, როგორც ყოველთვის, როდესაც გრიპის პიკია, თანდათანობიით გრიპის ვირუსის ცირკულაცია ქვეყანაში გაჩნდება. ამიტომ, შესაბამისი პროფილაქტიკური ღონისძიებები რაც ტარდება ეს უნდა გავაგრძელოთ", - განაცხადა გამყრელიძემ.

სპეციალისტების ინფორმაციით, ზოგადად გრიპის ვირუსს მაღალი ტემპერატურა და სისუსტე ახასიათებს, რაც მას გაციების ტიპის ვირუსისგან გამოარჩევს. ექიმები ურჩევენ მოსახლეობას ხშირად ხელების დაბანას, ტემპერატურის კონტროლს, სითხეების მიღებას.

რისკ ჯგუფის წარმომადგენლებს, ანუ ორსულებს, ხანდაზმულებსა და მცირეწლოვნებს, ურჩევენ ხალხმრავალ ადგილებს მოერიდონ და ვირუსის გამოვლენის შემთხვევაში დაუყოვნებლივ მიმართონ ექიმს.

ავტორი: ,

სოციალური ქსელები

სასამართლომ გრიგოლ ლილუაშვილის ნათესავს, ანდრია ლილუაშვილს 12 წლით პატიმრობა მიუსაჯა

ნეტა ჩემი შვილი მომკვდარიყო და ის ბავშვი ყოფილიყო ცოცხალი - დაკავებული ნიკა კაპანაძის დედა

სამტრედიაში რკინის კონსტრუციის ჩამოშლას ახალგაზრდა პირი ემსხვერპლა

ცოტნე ანანიძე: სამწუხაროდ, დანაშაული ხდება ყველგან და მოხდება, ვიდრე კაცობრიობა იარსებებს