პანკისის ხეობაში დაჭრილი თემირლან მაჩალიკაშვილის მამა მალხაზ მაჩალიკაშვილი მოითხოვს, რომ მის შვილს დაზარალებულის სტატუსი მიენიჭოს.

როგორც მაჩალიკაშვილმა ჟურნალისტებს განუცხადა, სპეცრაზმელებმა შეცდომა დაუშვეს. მანვე განმარტა, რომ მის შვილს ხელში ტელეფონი ეჭირა, ხოლო სპეცრაზმელს ეგონა, რომ ეს ხელყუმბარა იყო და გასროლა განახორციელა.

"გასროლის შემდეგ ჩემი უფროსი ქალიშვილი ზედა სართულზე იყო. კარები რომ შეამტვრიეს და სროლა მოახდინეს, ბავშვი ამას უყურებდა. მერე ოთახში ჩაკეტეს 10-20 წუთით. ამ დროს მან ოთახიდან გამოსული ხმა გაიგო - ერთ-ერთი სპეცრაზმელი მეორეს აგინებდა და იარაღის წართმევას ცდილობდა. ეს ადასტურებს იმას, რომ ჩემს შვილს ტელეფონი ეჭირა ხელში, სპეცრაზმელს კი, ეგონა ხელყუმბარა ეჭირა. სპეცრაზმელმა შეცდომა დაუშვა, შეეშინდა და გასროლა განახორციელა. ამაში ვარ დარწმუნებული. მოვითხოვ, ჩემს შვილს დაზარალებულის სტატუსი მიანიჭონ”, - აღნიშნა მალხაზ მაჩალიკაშვილმა.

ავტორი: ,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა