პირველმა ვიცე-პრემიერმა პარლამენტში საქართველოს ეკონომიკური ზრდისა და ამ კუთხით საერთაშორისო საფინანსო ორგანიზაციების შეფასებების შესახებ ისაუბრა.

როგორც რამდენიმე კომიტეტის გაერთიანებულ სხდომაზე დიმიტრი ქუმსიშვილმა სიტყვით გამოსვლისას აღნიშნა, გლობალური ეკონომიკური ზრდის შენელების ფონზე, 2013-2016 წლებში საქართველოს ერთ-ერთი საუკეთესო ეკონომიკური ზრდა ქონდა რეგიონის სხვა ქვეყნებთან შედარებით.

„სავალუტო ფონდის პროგნოზით ეკონომიკური ზრდა 2018-2022 წლებში საშუალოდ 4.9%-ს შეადგენს და მნიშვნელოვნად აღემატება უკრაინის, თურქეთის, სომხეთის, აზერბაიჯანის, რუსეთისა და ბელარუსის ეკონომიკური ზრდის პროგნოზს“, - აღნიშნა ქუმსიშვილმა.

ამასთან, პირველმა ვიცე პრემიერმა ხაზი გაუსვა, რომ 2017 წლის სექტემბერში სარეიტინგო კომპანია Moody's-მა გააუმჯობესა საქართველოს სუვერენული საკრედიტო რეიტინგი Ba3-დან Ba2-მდე.

დიმიტრი ქუმსიშვილის განცხადებით, 2017 წელს ეკონომიკური ზრდის ასეთი კარგი მაჩვენებლები საქართველოს მთავრობის სწორი ეკონომიკური პოლიტიკის შედეგია. „ჩვენი ეკონომიკური პოლიტიკა რეალურად აძლიერებს ჩვენს ქვეყანას და საგარეო ფაქტორების გამკლავების შესაძლებლობას აძლევს", - განაცხადა პირველმა ვიცე-პრემიერმა.

(NS)

ავტორი: ,

სოციალური ქსელები

უკრაინული რაკეტები ამჟამად რუსეთის რეგიონების ნახევარზე მეტს აღწევენ

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ