იპოთეკით დაზარალებულებმა იუსტიციის სახლთან საპროტესტო აქცია გამართეს, სადაც ხელშეკრულებების და აღსრულების ფურცლები დახიეს.

დაზარალებულები  გამოსახლებებისა და  აუქციონების შეჩერებას მოითხოვდნენ.

ისინი მთავრობას  იპოთეკით დაზარალებულების  პრობლემებით დაინტერესებისკენ მოუწოდებდნენ. 

აქციის მონაწილეებმა  იუსტიციის სახლთან ხელშეკრულებები და აღსრულების ფურცლები დახიეს, რის გამოც ადგილზე მობილიზებულმა პოლიციამ მათი დაჯარიმება გადაწყვიტა.

ამის შემდეგ, იპოთეკით დაზარალებულებმა  დაყრილი ფურცლები გადაყარეს.

„ჩვენ ვაპროტესტებთ გამოსახლებებს, რომ ამდენ  ხალხს ქუჩაში ყრიან. ვრჩებით უსახლკაროდ და უბინაოდ, ვაპროტესტბთ  კერძო იპოთეკარების, ბანკებისა და მიკროსაფინანსო ორგანიზაციების ქმედებებს, ისინი არ ითვალისწინებენ მოსახლეობის მდგომარეობას, ბევრს გადახდილიც აქვს, მაგრამ ისინი სახლებზე ნადირობენ, თუკი მთავრობას არა აქვს ამ პრობლემების მოგვარების შესაძლებლობა მაშ გადადგეს. მოვითხოვთ შეჩერდეს გამოსახლებები და აუქციონები, სანამ მთავრობა არ გადაწყვეტს ჩვენს საკითხს“,-განაცხადა აქციის ერთ-ერთმა მონაწილემ ირინა მღვდელაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: რუსეთის მიერ ცხინვალის რეგიონის ფაქტობრივი ანექსია უფრო აგრესიულ ეტაპზე გადავიდა

„თეგეტამ“ „დეილი ჯგუფს“ საოპერაციო ლიზინგის ფარგლებში FAW-ის 50 სატვირთო ავტომობილი მიაწოდა

ბერა ივანიშვილზე დაწერილი პოსტის გამო, ნატა ფერაძე სასამართლოში დაიბარეს

სუს: სოფელ ბერუშეთთან ოკუპანტების მიერ დაკავებული საქართველოს მოქალაქე თავისუფალია